Ai 12:3 - The Holy Bible In Alur (Lur) Revised Orthography

³ Wuyer ni udul ceke mir Israel, wuwac kumae, I ceng’ mir apaje mi dwi maeni gibigamu nyathi rombo igi kubang’gi kubang’gi, calku udi pa kwaru migi, nyathi rombo pi juot acel:

Ai 12:3 ပူးပေါင်းရင်းမြစ်များ

Thangambere 22:8

Man Ibrahim uwacu kumae, Mungu binwang’u nyathi rombo ire gire ni lam m’awang’a, woda: kum kumeno gicidho gin ario karacelo.

Thangambere 4:4

Man Habil bende, utero nyithi rombe ma kayu mir udul rombe pare ku mione. Man Yehova foyo Habil ku girathiera pare:

2 Lemkei 35:7

E Yosia mio kum udul rombe, ni nyithindho mi dhanu, nyithi rombe ku nyithi diegi, gin ceke mi lam mi kadhukuwijo, ni dhanu ceke ma ginuti, ni wel rubanga pier adek, man thwoni dhiang’ rubanga adek: maeni en e mi piny p’ubimo.

Ai 12:2

Dwi maeni bibedo iwu ni thekri mi dwi: ebibedo dwi ma kwong’a mi rundi iwu.

Ai 12:21

Musa lund ulwong’o judongo mir Israel ceke, man ewacu igi kumae, Wucidhi, wugam iwu nyithi rombe, calku juudi mu, man wuthum kadhukuwijo.

Ai 12:4

man tek juot gi nok ni nyathi rombo, e en ku jadhugola pare ma ni ceng’ni ot pare gibigamu acel calku wel mi ng’eyong’ec; calku cemo mi dhanu kubang’gi kubang’gi wubikwanu wel mu pi nyathi rombo.

Ai 12:6

man wubigwoke cil i ceng’ apar wi ang’wende mi dwije; man cokri ceke mir udul mir Israel binege uthieno.

Ai 14:15

E Yehova wacu ni Musa kumae, Pirang’o ilwong’a? wac ni nyithindho mir Israel, nia gicidhi.

Ai 20:19

Man giwacu ni Musa kumae, Wec i bang’wa in, e wabiwinjo; ento Mungu kud uwec i bang’wa, wamaru tho.

Ai 4:30

e Haran uyero lembe ceke ma Yehova yero ni Musa, man etimo giranyutha i wang’ dhanu.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ezekiel 40:1

I rundi pier ario wi abije mi ng’eca mwa, i thekri mi rundine, i ceng’ mir apaje mi dwi, i rundi apar wi ang’wende yo ng’ei goyo adhura, i ceng’ maeno nino, cing Yehova ni i wia, man etera kuca.

Lembe Mi Julawi 1:2

Yer ni nyithindho mir Israel, man iwac igi kumae, Kinde ma ng’atu moko m’i kindwu thiero girathiera ni Yehova, wuthier girathiera mu kind lim, en e kind dhok kud udul rombe.

Lembe Mi Julawi 5:6

man ebikelo lam pare mi kadhukuwicik ni Yehova kum dubo pare m’edubo, vong’ ku kind udul rombe, nyathi rombo kadi nyathi diel, ni lam mi dubo; e jalam bitimo adunya ire pi dubo pare.

Kitabu Mir Ang’wende Pa Musa Wel 15:11

Jubitimo kumeno mi thwoni dhiang’ kubang’e kubang’e, kadi mi nyogi rombe kubang’e kubang’e, kadi mi nyithi nyogi rombe kubang’e kubang’e, kadi mi nyithi diegi.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 1:36

man eneno Yesu kan ewotho, ewacu kumae, Nen, Nyathi Rombo pa Mungu!

Yohana 12:1

Ka kumeno ka ceng’ mi kadhukuwijo fodi udong’ abusiel Yesu bino Bethania, ka ma Lazaro ni ie, en e ng’atu ma Yesu ting’e ku kind ju m’utho.

Yohana 12:12

Urwone udul dhanu ma dit ma gibino i agba, ka giwinjo nia Yesu bebino Yerusalem,

1 Jukorinto 5:7

Wulwok thobi ma con cen, kara wubed kwen ma nyen, cil calu ma thobi mbe i beng’wu. Kum lam mwa mi kadhukuwijo judaru lamu, ndhu Kristu:

Yocuwa 7:14

Ka kumeno kugweno jubikelowu ceng’ni ku ba suru mu ku ba suru mu: man ebibedo, nia suru ma Yehova bigamu bibino ceng’ni ku ba wat ku ba wat; man wat ma Yehova bigamu bibino ceng’ni ku ba juot ku ba juot; man juot ma Yehova bigamu bibino ceng’ni ku ba dhanu ku ba dhanu.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

1 Samwil 7:9

E Samwil ugamu nyathi rombo ma dhoth, man ethiere ni lam m’awang’a ma bo ni Yehova: e Samwil ulwong’o Yehova pir Israel; man Yehova loko ire lembe.