Ai 12:19 - The Holy Bible In Alur (Lur) Revised Orthography

¹⁹ Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola.

Ai 12:19 ပူးပေါင်းရင်းမြစ်များ

Ai 12:15

Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel.

Ai 12:20

Wubicamu gin moko ngo ma thobi ni i ie; i kabedo mu ceke wubicamu kwen ma thobi mbe i ie.

Ai 12:43

E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko;

Ai 12:48

Man ka jawirok bibedo ni umondo kudi, man eyenyo ekwif kadhukuwijo ni Yehova, wek jutim yaa kum jumaco pare ceke, ka juwek ebin ceng’ni man ekwire; e ebibedo calu ng’atu ma junyolo i ng’ombe: ento ng’atu moko mbe ma jutimo yaa ngo i kume ma bicamu kume moko.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:7

Jubicamu kwen ma thobi mbe i ie cil ceng’ abiro; man jubineno kwen ma thobi ni i ie i beng’i ngo, kadok thobi de jubineno ngo i beng’i, i kieu peri ceke.

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Ai 30:33

Ng’atu ma tek ujebo moko calu maeni, kadi ng’atu ma tek ukonjo kume moko wi jawirok, jubikabe woko ku ba juthugi.

Ai 34:18

Kwir agba mi kwen ma thobi mbe i ie. Cam kwen ma thobi mbe i ie ceng’ abiro, calu ang’olo iri, i nindo ma juketho i dwi Abib; kum iai kud i Misiri i dwi Abib.

Lembe Mi Julawi 23:5

I dwi ma kwong’ane, i ceng’ apar wi ang’wende mi dwije uthieno, en e kadhukuwijo pa Yehova.

Kitabu Mir Ang’wende Pa Musa Wel 9:13

Ento dhanu m’ubedo leng’, m’ubedo i woth ungo, man eweko kwiro kadhukuwijo, jubikabu ng’eyong’ec maeno woko ku ba juthugi; kum ethiero girathiera pa Yehova ngo i nindo ma jung’olo, ng’atu maeno biyeyo dubo pare.

Poi Mi Cik 16:3

Kud icam kwen moko ma ie ju thobi kude; cam kwen ma thobi mbe i ie ceng’ abiro kude, en e kwen mi can; kum iai kud i ng’om Misiri ku ng’wec: kara ipoi kum ceng’ m’iai ie woko kud i ng’om Misiri nindo ceke mi kwo peri.