Ai 12:16 - The Holy Bible In Alur (Lur) Revised Orthography

¹⁶ Man ceng’ ma kwong’ane bibedo iwu ni cokri ma leng’, man ceng’ mir abirone de mi cokri ma leng’; gibitimo tic moko ngo i ceng’ maeca, ndhu giracama kende ma dhanu bicamu kubang’gi kubang’gi, maeno kende ma wubitimo.

Ai 12:16 ပူးပေါင်းရင်းမြစ်များ

Ai 16:23

Man ewacu igi kumae, Maeni gin ma Yehova yero, Urwo en e yom mi rwo, en e sabatu ma leng’ ni Yehova: wuthol ma wubitholo, man wuted ma wubitedo; man donge m’udong’ ceke wukan iwu agwoka cil kugweno.

Ai 16:29

Wunen, kum Yehova mio iwu sabatu ka kumeno emio iwu kwen mi ceng’ ario i ceng’ mir abusiende; wubed kubeng’wu kubeng’wu ng’atuman i kakare, ng’atu moko kud uwek kakare i ceng’ mir abirone.

Ai 16:5

Man ebitimbre i ceng’ mir abusiende, nia gibiyiko gin ma gikelo i ie, man ebibedo wang’ ario mi gin ma gikwanyu ku ba rupiny ku ba rupiny.

Ai 20:10

ento ceng’ mir abirone en e sabatu ni Yehova Mungu peri; kud itim tic moko i ie, in, kadi wodi, kadi nyeri, kadi jamiru peri, kadi bong’ peri, kadi lim peri, kadi jawirok peri ma ni i gang’ peri:

Ai 34:18

Kwir agba mi kwen ma thobi mbe i ie. Cam kwen ma thobi mbe i ie ceng’ abiro, calu ang’olo iri, i nindo ma juketho i dwi Abib; kum iai kud i Misiri i dwi Abib.

Isaya 1:13

Kud wukel lam ma ie nanu kendo; udok ma ng’wice ng’ar en e ginmajudagu ira; dwi ma por ku sabatu, man lwong’o mi cokri, acopo kude ngo: en e kier, cil cokri mi rwo.

Lembe Mi Julawi 23:21

Man wubilwong’o i ceng’ maeca nica; cokri ma leng’ bibedo nuti iwu; kud wutim tic moko ma jumuli kudo: en e cik mi nja i kabedo mu ceke cil kum dhanum’utuk mu.

Lembe Mi Julawi 23:27

Ento i ceng’ mir apaje mi dwi maeni mir abirone en e ceng’ mir adunya: ebibedo ni cokri ma leng’ iwu, man wubidieng’o cwinywu; e wubithiero lam ma jutimo ku mac ni Yehova.

Lembe Mi Julawi 23:35

Ceng’ ma kwong’ane bibedo cokri ma leng’; kud wutim tic moko ma jumuli kudo.

Kitabu Mir Ang’wende Pa Musa Wel 28:18

Ceng’ ma kwong’ane bibedo cokri ma leng’: wubitimo tic moko ma jumuli ko ngo;

Kitabu Mir Ang’wende Pa Musa Wel 28:25

Man i ceng’ abirone wubibedo ku cokri ma leng’; wubitimo tic moko ma jumuli ko ngo.

Kitabu Mir Ang’wende Pa Musa Wel 28:26

I ceng’ mi landu mwoka bende, kinde ma wuthiero lam mi mogo ma nyen ni Yehova i agba mu mi yenga, wubibedo ku cokri ma leng’; kud wutim tic moko ma jumuli ko;

Kitabu Mir Ang’wende Pa Musa Wel 29:1

Man i dwi mir abirone, i ceng’ ma kwong’ane mi dwije, wubibedo ku cokri ma leng’; wubitimo tic moko ma jumuli ko ngo: en e ceng’ mi kudho agwara iwu.

Kitabu Mir Ang’wende Pa Musa Wel 29:12

Man i ceng’ apar wi abije mi dwi mir abirone wubibedo ku cokri ma leng’; wubitimo tic moko ma jumuli kudo ngo, man wubikwiro agba ni Yehova ceng’ abiro:

Yohana 19:31

Ka kumeno, kum ceng’ maeni ceng’ mi Yikopiny, Juyahudi lund upenjo Pilato nia jutur tiendgi, juter gi cen, kara avujgi kud ubed kor yen m’athara ceng’ sabatu (kum ceng’ sabatu maeno ceng’ ma dit).

Poi Mi Cik 16:8

Cam kwen ma thobi mbe i ie ceng’ abusiel; man cokri ma leng’ bibedo i ceng’ mir abirone ni Yehova Mungu peri; kud itim tic moko i ie.