Ai 12:15 - The Holy Bible In Alur (Lur) Revised Orthography

¹⁵ Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel.

Ai 12:15 ပူးပေါင်းရင်းမြစ်များ

Thangambere 17:14

Man ng’atu ma nico ma jukutimo yaa ngo i ring’kum mi dendkume, ng’eyong’ec maeno jubikabu woko ku kind juthugi; eturo lembariba para.

2 Lemkei 30:21

Man nyithindho mir Israel ma ginuti Yerusalem gikwiro agba mi kwen ma thobi mbe i ie ceng’ abiro, kud anyong’a ma dit; man Julawi ku julam gipaku Yehova ceng’ ku ceng’, ma gibepaku ku jambwer ma tek ni Yehova.

Ezra 6:22

man gikwiro agba mi kwen ma thobi mbe i ie ceng’ abiro kud anyong’a: kum Yehova nyayu mutoro i igi, man eloko adunde ubimo mir Ascur i bang’gi, kara edwok cing’gi tek i tic mi ot pa Mungu, Mungu mir Israel.

Ai 12:8

E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Ai 30:33

Ng’atu ma tek ujebo moko calu maeni, kadi ng’atu ma tek ukonjo kume moko wi jawirok, jubikabe woko ku ba juthugi.

Ai 30:38

Ng’atu ma tek bitimo calu maeno, kara eng’wiye, jubikabe woko ku ba juthugi.

Ai 31:14

Ka kumeno wukwir ceng’ sabatu; kum en e leng’ iwu: ku ba dhanu ceke m’ucide jubiketho etho andha; kum ng’atu ma tek utimo tic moko i ie, jubikabu ng’eyong’ec maeno woko ku kind juthugi.

Ai 34:18

Kwir agba mi kwen ma thobi mbe i ie. Cam kwen ma thobi mbe i ie ceng’ abiro, calu ang’olo iri, i nindo ma juketho i dwi Abib; kum iai kud i Misiri i dwi Abib.

Ai 34:25

Kud ithier rimo mi lam para ku kwen ma thobi ni i ie; kadok lam mir agba mi kadhukuwijo de kud wuwek mi kugweno.

Lembe Mi Julawi 17:10

Man ng’atu ma tek nuti m’i ot mir Israel, kadi mir umondo m’ubedo i kindgi, m’ucamu rimo moko, abimino wang’a kum ng’eyong’ec maeno m’ucamu rimo, man abikabe woko ku kind juthugi.

Lembe Mi Julawi 17:14

Kum calu kwo mi ring’kum ceke nuti, e rimone en e acel ku kwone: ka kumeno awacu ni nyithindho mir Israel kumae, Kud wucam rimo mi ring’kum moko ki; kum kwo mi ring’kum ceke en e rimone: ng’atu ma tek ucame jubikabe woko.

Malaki 2:12

Ng’atu m’utimo maeni, Yehova bithume cen, ng’atu m’uceu ku ng’atu m’udwoko lembe, kud i hema pa Yakobo, man ng’atu m’uthiero girathiera ni Yehova mir udul.

Kitabu Mir Ang’wende Pa Musa Wel 28:17

Man i ceng’ apar wi abije mi dwi maeni bibedo agba: jubicamu kwen ma thobi mbe i ie ceng’ abiro.

Kitabu Mir Ang’wende Pa Musa Wel 9:13

Ento dhanu m’ubedo leng’, m’ubedo i woth ungo, man eweko kwiro kadhukuwijo, jubikabu ng’eyong’ec maeno woko ku ba juthugi; kum ethiero girathiera pa Yehova ngo i nindo ma jung’olo, ng’atu maeno biyeyo dubo pare.

Matayo 16:12

Gilund ging’eyo nia ewacu igi ngo ya gikuri ni thobi mi kwen ento pi ponji mi Jufarisayo ku Jusadukayo.

Luka 12:1

I kinde maeca, kan udul dhanu rubanga dupa gicokri karacelo, ketho ginyondri, elar emaku wacu ni julubne kumae, Wukuru ni thobi mi Jufarisayo, ma en e ambili.

Luka 2:43

man ka gidaru timo ceng’ne kakare, kinde ma gibedok, nyathin Yesu dong’ cen i Yerusalem; man junyodo pare ging’eyo ngo;

Tic Mi Jukwenda 12:3

E kan eneno nia maeni nyayu mutoro i Juyahudi, eyenyo nik emak Petro bende. Ceng’ nino en e ceng’ kwen ma thobi mbe i ie.

Jugalatia 5:12

Ayenyo nia ju m’uketho cwinywu beringo rr gjthumbri gigi.

Poi Mi Cik 16:3

Kud icam kwen moko ma ie ju thobi kude; cam kwen ma thobi mbe i ie ceng’ abiro kude, en e kwen mi can; kum iai kud i ng’om Misiri ku ng’wec: kara ipoi kum ceng’ m’iai ie woko kud i ng’om Misiri nindo ceke mi kwo peri.

Poi Mi Cik 16:5

Kud ilam kadhukuwijo yo i dhugang’ peri moko, ma Yehova Mungu peri mio iri:

Poi Mi Cik 16:8

Cam kwen ma thobi mbe i ie ceng’ abusiel; man cokri ma leng’ bibedo i ceng’ mir abirone ni Yehova Mungu peri; kud itim tic moko i ie.