Ai 12:14 - The Holy Bible In Alur (Lur) Revised Orthography

¹⁴ Man ceng’ maeca bibedo iwu ni poi, man wubikwire ni agba ni Yehova: cil kum dhanum’utuk mu wubikwire ni agba ku lembapoka mi nja.

Ai 12:14 ပူးပေါင်းရင်းမြစ်များ

2 Ubimo 23:21

Man ubimo ng’olo ni dhanu ceke, ewacu kumae, Wukwir kadhukuwijo ni Yehova Mungu mu, calu egore i kitabu maeni mi lembariba.

Zaburi 111:4

Eketho jupoi kum tic pare ma wang’u ijo; Yehova en e won bero ku kisa.

Zaburi 135:13

Nyingi bedo mi nja, e Yehova; Nyingi mi poi, E Yehova, cil kum dhanum’utuk ceke.

Ai 12:17

Man wubikwiro ceng agba mi kwen ma thobi mbe i ie; kum awodho udul mu woko kud i ng’om Misiri i ceng’ maeni nini: ka kumeno wubikwiro ceng’ maeni kum dhanum’utuk mu ni lembapoka mi nja.

Ai 12:24

Man wubikwiro gin maeni ni lembapoka iri man ni woti mi nja.

Ai 12:43

E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko;

Ai 12:6

man wubigwoke cil i ceng’ apar wi ang’wende mi dwije; man cokri ceke mir udul mir Israel binege uthieno.

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Ai 27:21

I hema mi cokri, yo woko mi kusikabongu ma ni i wang’ lembatuca, Harun giku wote gibiyike gambre uthieno cil kugweno i wang’ Yehova: ebibedo ni cik mi nja i kind dhanum’utuk migi pi nyithindho mir Israel.

Ai 5:1

E yo ku ng’eye Musa giku Harun gicidho, man giwacu ni Farao kumae, Yehova, Mungu mir Israel, uwacu kumae, Wek dhanu para gicidhi, kara gikwir ira agba i langa.

Ezekiel 46:14

Man ibiyiko lam mi mogo karacelo kude ku ba rupiny ku ba rupiny, ng’ete mir abusiende mi kukunju, man ng’ete mir adege mir amorpi mi mo, kara uyom mogo ma yom; lam mi mogo ni Yehova, thiri thiri ku lembang’ola ma thiri thiri.

Lembe Mi Julawi 23:6

Man i ceng’ apar wi abije mi dwije en e agba mi kwen ma thobi mbe i ie ni Yehova: wubicamu kwen ma thobi mbe i ie ceng’ abiro.

Zekaria 6:14

Man jamkermiwicne bibedo ni Helem, man Tobija, man ni Yedaya, man ni Hen ma wod Zefania, ni poi i hekalu pa Yehova.

Kitabu Mir Ang’wende Pa Musa Wel 10:8

Man wot Harun, ma julam, gibikudho agwara: man gibibedo iwu ni cik mi nja cil ni dhanum’utuk mu.

Kitabu Mir Ang’wende Pa Musa Wel 15:15

Cik acel bibedo iwu mi cokri, man ni jawirok m’ubedo ni umondo i beng’wu, en e cik ma nja cil ni dhanum’utuk mu: calu wubedo, umondo bibedo kumeca i wang’ Yehova.

Kitabu Mir Ang’wende Pa Musa Wel 16:40

kara ubed ni poi ni nyithindho mir Israel, kara jawirok moko, ma en e kodhi pa Harun ungo, kud ucor ceng’ni kara ewang’ Udok ma ng’wice ng’ar i wang’ Yehova; kara kud ebed calu Kora, man calu njuru dhanu pare: calu Yehova yero ire ni kum Musa.

Kitabu Mir Ang’wende Pa Musa Wel 18:8

Man Yehova yero ni Harun kumae, Man an, nen, amio iri kur mi lam m’ating’a para, en e gin ceke ma leng’ mi nyithindho mir Israel; amiogi iri ni kum wir ma ku mo, man ni woti, calku makapiny mi nja.

Matayo 26:13

Andha awacu iwu kumae, Ka ma tek lembanyong’a maeni biyere i ie i ng’om yu, maeno bende ma dhaku maeno timo biyere ni poi ma jupoi ko pire.

Luka 22:19

E eting’o kwen, e kan emio foc, eng’wenyo ie, emio igi, ewacu kumae, Maeni en e kuma m’umire piwu: wutim mae wupoi ko pira.

Poi Mi Cik 16:1

Kwir dwi Abib, man itim kadhukuwijo ni Yehova Mungu peri; kum i dwi Abib Yehova Mungu peri wodhi woko kud i Misiri ku diewor.

Poi Mi Cik 16:11

man anyong’a negi i wang’ Yehova Mungu peri, in, ku wodi, ku nyeri, ku jamiru peri, man bong’ peri, ku Jalawi ma ni yo i dhugang’ peri, kud umondo, ku kic, man dhaku ma cware tho, ma gini i kindi, i ka ma Yehova Mungu peri bigoyo wie, kara eketh nyinge bed keca.

Poi Mi Cik 6:8

Man itwigi ni giranyutha i cingi, man gibibedo mi bero i kind weng’i.

Yocuwa 4:7

wubilund wacu igi kumae, Kum pi mi Yordan ung’ol woko i wang’ sanduk mi lembariba pa Yehova; kinde m’ekadhu ku wi Yordan, pi mi Yordan ung’ol: man kidi maeni bibedo ni lembapoya ni nyithindho mir Israel mi nja.

1 Samwil 30:25

Man etimbre kumeca ugambre i ceng’ maeca ku m’ulube, nia eketho ebedo ni cik man ni lembapoka ni Israel cil i ceng’ ma tin.