Ai 10:3 - The Holy Bible In Alur (Lur) Revised Orthography

³ E Musa giku Harun gimondo ba Farao, man giwacu ire kumae, Yehova, Mungu mi Juebrania, uwacu kumae, Ibikwero jwigri giri i wang’a rokani? wek dhanu para cidhi, kara gitim ira.

Ai 10:3 ပူးပေါင်းရင်းမြစ်များ

1 Ubimo 18:21

Man Elia bino ceng’ni ba dhanu ceke, e ewacu kumae, Wubikomo akoma i kind yic ario rokani? tek Yehova en e Mungu, wulube; ento tek Bal, e wulube. Man dhanu giloko ire lembe acel de ngo.

1 Ubimo 21:29

Ineno maram Ahab ujwigre ko gire i wang’a? kum ejwigre gire i wang’a, abikelo lembe ma racne i ceng’ pare ngo; ento i ceng’ pa wode abikelo lembe ma racne wi ot pare.

2 Ubimo 22:19

kum adundeni bedo ng’ic, man ijwigri giri i wang’ Yehova, kinde m’iwinjo gin m’ayero kum ka maeni, man kum ju m’ubedo i ie de, nia gibidoko ni uvuru man kwong’, man iyeco kendi peri, iywak de i wang’a; an bende awinji, Yehova wacu.

2 Lemkei 33:12

E kinde m’eni i can, ekwayu Yehova Mungu pare, man ejwigre gire dit i wang’ Mungu pa kwaru pare.

2 Lemkei 33:19

Rwo pare bende, man maram Mungu yio ko ire, ku dubo pare ceke man kier pare, man ka m’egomo ie ka ma malu, m’eketho ko mungu m’araga kud ayi gin m’apaya, ma fok ejwigre gire ngo, nen, gigore i lemkei pa Hozai.

2 Lemkei 34:27

kum adundeni bedo yom, man ijwigri giri i wang’ Mungu, kinde m’iwinjo lembe pare ma kum ka maeni, man kum dhanu m’ubedo kakeni, man ijwigri giri i wang’a, iyeco kendi peri de, man iywak i wang’a; an bende awinji, Yehova wacu.

2 Lemkei 7:14

tek dhanu para, m’ulwongre ku nyinga, bijwigri gigi, man gibirwo, gibiyenyo wang’a de, man gibilokri kud i yo migi mi dubo; abilund winjo kud i polo, man abiweko dubo migi woko, e abicangu ng’om migi.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Ai 10:4

Kadi, tek ikwero weko dhanu para cidhi, nen, urwo abikelo bonyo i kieu peri:

Ai 16:28

Man Yehova wacu ni Musa kumae, Wubikwero woro lembang’ola para ku cik para de rokani?

Ai 4:23

man awacu iri kumae, Wek woda cidhi, kara etim ira; e icere ku cidho: nen, abinego wodi, ma kayu peri.

Ai 5:1

E yo ku ng’eye Musa giku Harun gicidho, man giwacu ni Farao kumae, Yehova, Mungu mir Israel, uwacu kumae, Wek dhanu para gicidhi, kara gikwir ira agba i langa.

Ai 9:17

Fodi itingri asu kum dhanu para, ketho ikwero weko gicidhi?

Lembrieko 1:22

Wu ju ma cobo, wubimaru bedo cobo rokani? Man jucac bende anyong’a neggi i ie kum cac, Man jukusegu bidagu ie ng’eyong’eci?

Lembrieko 1:24

Kum alwong’o, man wukwero; Arieyo cinga, man ng’atu moko mbe m’upido pire;

Lembrieko 18:12

Adunde dhanu lar tingre ni nyoth; Man jwigri lar wok ni yung.

Isaya 1:5

Wuyenyo jugoiwu asu nedi, ketho wujai kendo kendo? wie dho lith, man adunde dho voc.

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Yeremia 13:10

Dhanu ma rac maeni, m’ukwero winjo lembe para, m’uwotho i udhuko mir adundegi, man m’ucidho tok mungu mange kara gitim igi, man kara girwo igi, gibibedo cil calu thondhpier maeni, ma kulokane mbe mi gin moko.

Yeremia 13:18

Wac ni ubirao ku min ubimo kumae, Wujwigri giwu, wubed piny kum giiatwia mu m’i wic ugonjie, en e jamkermiwic mi dwong’ mu.

Yeremia 50:29

Wulwong’ weg atum karacelo kum Babeli, dhanu ceke ma gomo atum; wugur hema i kume gbur; kud wuyi ng’atu moko ma pare bothi: wucul i kume calku tic pare; calku gin ceke m’etimo, wutim i kume kumeca; kum etingre ni Yehova, ni Ng’atu Maleng’ mir Israel.

Ezekiel 5:6

Man ejai kum lembapoka para ku timo dubo ma sagu thek, man kum cik para ma sagu ng’om m’utieke gbur; kum gikwero lembapoka para, man pi cik para, giwotho i igi ngo.

Daniel 5:22

Man in i wode, E Belcazar, ijwigo adundeni ngo, kadok ing’eyo maeni ceke,

Kitabu Mir Ang’wende Pa Musa Wel 14:27

Abitwio cwinya rokani kum udul ma rac maeni, m’ung’ur i kuma? A winjo ng’ur mi nyithindho mir Israel, ma ging’ur ko i kuma.

Jurumi 2:4

Kadi icayu lonyo mi bero pare ku twiocwiny pare man mwonyolembe pare m’emwonyo hai, m’ing’eyo ko ngo nia bero Mungu unyebi kum lokocwinyi?

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

Yakobo 4:10

Dong’ wujwigru giwu i wang’ Rwoth, man ebiyungowu.

1 Petro 5:6

Ka kumeno wujwigru the cing’ Mungu ma tek, kara edodwu ka kakare tundo;