Ai 1:7 - The Holy Bible In Alur (Lur) Revised Orthography

⁷ E nyithindho mir Israel ginyai, man gimedri dit, e welgi doko dupa, man tego migi doko dit hai; e ng’om upong’ kugi.

Ai 1:7 ပူးပေါင်းရင်းမြစ်များ

Thangambere 1:20

Man Mungu wacu kumae, Dong’ pi pong’ kud udul giracwia ma kwo, man dong’ winyo giring i ng’om wi apokapiny ma thwolo m’i polo.

Thangambere 1:28

Man Mungu mio mugisa igi: man Mungu wacu igi kumae, Wunyol, wumedru de, wupong’ ng’om, man wudwoke wor iwu; man wubed ku kero wi rec m’i nam, man wi winyo m’i polo, man wi gin ma kwo kubang’e kubang’e ma wotho wi ng’om.

Thangambere 12:2

man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa:

Thangambere 13:16

Man abiketho nyikwei bedo calu utur m’i ng’om: kum kumeno tek ng’atu moko copo kwanu utur m’i ng’om, e nyikwei bende bikwandre.

Thangambere 15:5

Man ewodhe woko, ewacu de kumae, Kawono nen yor i polo, man ikwan cero, tek icopo kwanugi: man ewacu ire kumae, Kodhini bibedo kumeni.

Thangambere 17:16

Man abimio mugisa ire, man kendo abimio iri nyathin ma nico i kore: eyo, abimio mugisa ire, man ebibedo meg thek dupa; ju m’ubimo mi kodhidhanu biai i bang’e.

Thangambere 22:17

kara i mio mugisa abin ami mugisa iri, man i medo de abin amed kodhini calu cero m’i polo, man calu kwio ma dhu nam; man kodhini bimwonyo dhugang’ pa jadegine;

Thangambere 26:22

Man eai ku keca, e etong’o kulo m’atong’a mange; e gipiemo ngo pi maeca: man elwong’o nyinge Rehoboth; man ewacu kumae, Kum kawono Yehova timo kabedo iwa, e wabicego nyingwa i ng’om.

Thangambere 26:4

man abimedo kodhini calu cero m’i polo, man abimio ng’om maeni ceke ni kodhini; man thek ceke m’i ng’om binwang’u mugisa ni kum kodhini;

Thangambere 28:14

man kodhini bibedo calu utur m’i ng’om, e ibimoiri foo yo reto, man yo nyangu, yor ariwa ma malu de, man yor ariwa ma piny: man wat ceke m’i ng’om binwang’u mugisa ni kumi ni kum kodhini de.

Thangambere 35:11

E Mungu wacu ire kumae, An a Mungu ma Jategokpo: nyai man imedri; thek man udul thek biai i beng’i, man ju m’ubimo biai kud i kumi;

Thangambere 46:3

Man ewacu kumae, An a Mungu, Mungu pa wuru: kud ilwor niloro piny i Misiri; kum abidwoki ni thek ma dit kuca:

Thangambere 47:27

Man Israel ubedo i ng’om Misiri, i ng’om mi Gocen; man gigamu igi piny i ie, man ginyai, gimedri apila.

Thangambere 48:16

malaika m’uwara ni gin ma rac ceke, umi mugisa ni awia; man wek nyinga bed i wigi, man nying’ kwara ma Ibrahim kud Isak; man wek ginyai ni udul i die ng’om.

Thangambere 48:4

man ewacu ira kumae, Nen, abiketho inyai, man abimedi, man abikethi ni udul kodhidhanu, man abimio ng’om maeni ni kodhini yo ng’ei ni piny mi nja.

Thangambere 9:1

Man Mungu mio mugisa ni Noa ku wote, man ewacu igi kumae, Wunyol, wumedru de, man wupong’ ng’om.

Nehemia 9:23

Inyayu nyithindho migi bende calu cero m’i polo, man ikelogi i ng’om m’iwacu pire ni kwarugi, nia gibimondo i ie nimwonye.

Zaburi 105:24

Man enyayu dhanu pare dit, Man edwokogi tek ma sagu jusend migi.

Zaburi 107:38

Emio igi mugisa bende, ketho ginyai dit; Man eyio ngo nia lim migi dok nok.

Ai 1:12

Ento kadok gisendogi, de gimedri ma sagu man gimoiri foo. Man lembe ton i igi kum nyithindho mir Israel.

Ai 12:37

E nyithindho mir Israel giwotho ugambre ba Ramases cil kum Sukoth, dhanu ma co ma ku tielo rubanga dak abusiel, karacelo ku nyithindho.

Ai 5:5

Man Farao wacu kumae, Nen, kawono dhanu m’i ng’om gi dupa, e wukwio kumgi ni ter migi.

Ezekiel 16:7

Aketho imedri calu gin m’utwi i podho, man inyai idoko dit de, man itundo kum giraruka ma ber hai; thunoni cungo, man yukwii wobo; ento ibedo muneru man mananu.

Tic Mi Jukwenda 13:17

Mungu mi dhanu pa Israel maeni ugoyo wi kwaruwa, eyungo dhanu de ka gibedo ni umondo i ng’om Misiri, man etelo wigi ewodho kogi woko kud i ie ku bote ma tek.

Poi Mi Cik 10:22

Kwaru loro piny i Misiri giku dhanu pier abiro; e kawono Yehova Mungu peri ketho idok calu cero m’i polo ni udul.

Poi Mi Cik 26:5

Man ibidwoko lembe ibiwacu de i wang’ Yehova Mungu peri kumae, Naka vwa en e Jacami ma ceng’ni rwinyo; e eloro piny i Misiri, ebedo ni umondo de kuca, ma welne nok; e kuca edoko ni thek, ma dit, ma tek, man dhanu ma dupa.