Ai 1:14 - The Holy Bible In Alur (Lur) Revised Orthography

¹⁴ e giketho bedo migi bedo rac ku tic ma tek, mir ulobo man biriki, man ku tic ceke de ma kwonde tung’ tung’ i thim, en e tic migi ceke, ma giketho gitimo ma tek i ie.

Ai 1:14 ပူးပေါင်းရင်းမြစ်များ

Thangambere 15:13

Man ewacu ni Abram kumae, Dong’ ing’ei andhandha nia kodhi peri bibedo umondo i ng’om ma migi ngo, man gibitimo ni joca; man gibisendogi rundi dak ang’wen;

1 Ubimo 12:14

man eyero igi calku lembapora mir awobi, ewacu kumae, Vwa dwoko mberembere mu pek, ento abimedo wi mberembere mii: vwa ponjowu ku del, ento abiponjowu ku ith.

Zaburi 129:1

Wang’ udul gisenda ugambre kum aradu para, Wek Israel uwac kawono,

Zaburi 68:13

Kinde ma wuvuto i kind kakwae mi rombe, En e calu bomb akuru m’ubedo auma ku mola ma tar, Man yuke ku mola ma kwar ma foo.

Zaburi 81:6

Akabu goke ku kum ter: Cinge ai ku kum katoko.

Ai 1:11

Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao.

Ai 1:13

Man Jumisiri giketho nyithindho mir Israel gitim ma tek:

Ai 1:15

Man ubimo mi Misiri yero ni jucolmon mi Juebrania, ma nying’ ng’atu acel m’i kindgi en e Cifra, man nying’ mucelo Pua:

Ai 2:23

Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 6:9

E Musa yero kumeni ni nyithindho mir Israel: ento giwinjo dwand Musa ngo ni kum can mi cwiny, man kum ng’eca ma tek.

Lembrieko 28:15

Calu umvor ma rundo, ku wai m’urwokni, E jabim ma rac ubedo kumeno wi dhanu ma sai.

Isaya 10:24

Ka kumeno Rwoth, Yehova mir udul, uwacu kumae, E dhanu para m’ubedo i Sayuni lworo kud unegwu kum Jaascuri, kadok egoi ku dul, man eting’o uluth pare i kumi, calu kura Misiri.

Isaya 14:6

m’ugoyo kodhidhanu ku kwinyo ku goc ma thiri thiri, m’ubimo thek ku ng’ecwiny, ku masendi ma ng’atu moko mbe ma cero.

Isaya 51:23

man ebikethe i cing’ ju m’usendi, m’uwacu ni ng’eyong’ec peri kumae, Gung’ piny, kara wakadhi; e iketho ng’ei calu ng’om, man calu gengi, ni ju m’ukadhu.

Isaya 52:5

Ka kumeno kawono, atimo ang’o keni, Yehova wacu, kum jukabu dhanu para cen mananu? ju m’ubimo wigi gigoyo nduru, Yehova wacu, man jucido nyinga thiri thiri ceng’ du.

Isaya 58:6

Kwirocam m’afoyo e eni ngo: ya jugony twic mi dubo, jugony twic mi mberembere, man jugony ju ma jusendogi, man nia jutur mberembere ceke kubang’e kubang’e?

Lembe Mi Julawi 25:43

Kud ibim wie ku rwodho, ento ilwor Mungu peri.

Lembe Mi Julawi 25:46

E wubidwokogi ni aba ni nyithindho mu yo ng’eiwu, ma gibibedo kudo ni piny; wubigamu ng’eca mu mi nja i bang’gi: ento kud wubim wi utumegwu ma nyithindho mir Israel ku rwodho, man wi wadi man wi wadi.

Lembe Mi Julawi 25:53

Ebibedo kude calu jatic mi sukulia rundi ku rundi: kud ebim wie ku rwodho i weng’i.

Mika 3:3

ma wucamu ring’kum dhanu para bende, man wuyang’u dendkumgi kud i kumgi, man wuturo cogogi de, wutong’ogi de nziki nziki, calu mir agulu, man calu ring’kum i agulu.

Nahum 3:14

Twom pi iri pir atiek; dwok ot ma tek peri tek; mond i ulobo, man inyon ulobone; dwok kawang’ biriki tek.

Kitabu Mir Ang’wende Pa Musa Wel 20:15

maram kwaruwa loro ko piny i Misiri, man wabedo i Misiri nindo m’uton hai; man Jumisiri gitimowa rac, ku kwaruwa:

Tic Mi Jukwenda 7:19

Ng’atuca bombo thek mwa, man etimo rac kum kwaruwa, ya gibai mukere migi woko kara ku gibed kwo.

Tic Mi Jukwenda 7:34

Aneno can mi dhanu para andha ma gini i Misiri, man awinjo ba cur migi, e aloro piny nigonyogi: kawono koibin, abiori i Misiri.

Poi Mi Cik 26:6

Man Jumisiri gitimowa rac, gisendowa de, man giketho ng’eca ma tek i kumwa:

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

Ruth 1:20

Man ewacu igi kumae, Kud wulwong’a Naomi, wulwong’a Mara; kum Ng’atu ma Jategokpo timo rac dit i bang’a.