Ai 1:11 - The Holy Bible In Alur (Lur) Revised Orthography

¹¹ Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao.

Ai 1:11 ပူးပေါင်းရင်းမြစ်များ

Thangambere 15:13

Man ewacu ni Abram kumae, Dong’ ing’ei andhandha nia kodhi peri bibedo umondo i ng’om ma migi ngo, man gibitimo ni joca; man gibisendogi rundi dak ang’wen;

Thangambere 47:11

E Yusuf uketho won ku utumin i kakagi, man emio igi piny i ng’om Misiri, i ng’om ma ber m’usagu, i ng’om mi Rameses, calu Farao ng’olo.

1 Ubimo 9:19

man adhura ceke mi kanupiny ma Suleman ubedo ko, kud adhura mi magali pare, man adhura mi weg riuni pare, ku maeno ma Suleman uyenyo egom ni muj toro pare i Yerusalem, man i Lebanon, kud i ng’om ceke mi ker pare.

2 Lemkei 16:4

Man Ben-hadad uwinjo dwand ubimo ma Asa, man eoro jego mi njuru asikari pare kum adhura mir Israel; e gigoyo Ijon, man Dan, man Abel-maim, kud adhura mi kakanpiny ceke mi Naftali.

2 Lemkei 8:4

Man egomo Tadmor i langa, kud adhura ceke mi kakanpiny, m’egomo i Hamath.

Zaburi 105:13

Man giwotho ku ba thek ku ba thek, Ku ba ker acel utundo ba dhanu mange.

Zaburi 129:1

Wang’ udul gisenda ugambre kum aradu para, Wek Israel uwac kawono,

Zaburi 129:2

Wang’ udul gisenda ugambre kum ara du para: Ento giloya ngo.

Zaburi 68:13

Kinde ma wuvuto i kind kakwae mi rombe, En e calu bomb akuru m’ubedo auma ku mola ma tar, Man yuke ku mola ma kwar ma foo.

Zaburi 81:6

Akabu goke ku kum ter: Cinge ai ku kum katoko.

Ai 1:14

e giketho bedo migi bedo rac ku tic ma tek, mir ulobo man biriki, man ku tic ceke de ma kwonde tung’ tung’ i thim, en e tic migi ceke, ma giketho gitimo ma tek i ie.

Ai 2:11

Man etimbre i ceng’ maeca, kinde ma Musa dongo, nia ewok woko ba utumin, man eneno ter migi: e eneno Jamisiri befodo Jaebrania, ma ng’atu acel ma kind utumin.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Ai 5:10

E juwitic mi dhanu gicidho, ku jego migi, man giyero ni dhanu giwacu kumae, Farao wacu kumae, Abimio lum iwu ngo.

Ai 5:15

E jego mi nyithindho mir Israel gilund gibino man giywak ba Farao, giwacu kumae, Pirang’o itimo kumeni kum jutic peri?

Ai 5:8

Man wubiketho wel biriki igi calu ma naka gitimo: wubijwigo ticne moko ngo: kum gibedo umbe tic; ka kumeno giywak, giwacu kumae, Wek waci walam lam ni Mungu mwa.

Lembrieko 27:4

Kwinyo bedo ku rop, man ng’ecwiny e dit; Ento ng’a ma copo cungo wang’ nyeko?

Kitabu Mir Ang’wende Pa Musa Wel 20:15

maram kwaruwa loro ko piny i Misiri, man wabedo i Misiri nindo m’uton hai; man Jumisiri gitimowa rac, ku kwaruwa:

Poi Mi Cik 26:6

Man Jumisiri gitimowa rac, gisendowa de, man giketho ng’eca ma tek i kumwa: