2 Ubimo 8:9 - The Holy Bible In Alur (Lur) Revised Orthography

⁹ Kum kumeno Hazael ucidho erombo kude, man ecidho ku giramia, ma en e gin ceke ma ber mi Dameski kubang’e kubang’e, ter mi ngamia pier ang’wen, man ebino ecungo de i wang’e, e ewacu de kumae, Wodi ma Ben-hadad m’ubimo mi Cami uora i beng’i, ewacu kumae, Kuma maeni ma lith bidoko beri?

2 Ubimo 8:9 ပူးပေါင်းရင်းမြစ်များ

1 Ubimo 14:3

Man icidh ku kwen m’ang’ina apar, ku kwen m’apada, ku cupaini kic, e icidh i bang’e: man ebiyero iri pi gin ma bitimbre kum nyathinne.

1 Ubimo 15:18

Asa lund ugamu mola ma tar ceke ku mola ma kwar ceke ma juweko i kakanpiny mi ot pa Yehova, man i kakanpiny mi ot p’ubimo, man emiogi i cing’ jutic pare; e ubimo ma Asa orogi ba Ben-hadad, ma wod Tabrimon, ma wod Hezion, m’ubimo mi Cami, m’ubedo i Dameski, ewacu kumae,

1 Ubimo 19:15

Man Yehova wacu ire kumae, Cidhi, dok i yo peri ba langa mi Dameski: man kan ibino, ibiwiro Hazael ubed ni ubimo wi Cami;

2 Ubimo 1:2

Man Ahazia podho piny ku wang’ot i kusika pare ma malu ma ni i Samaria, e kume make: man eoro jukwenda, e ewacu igi kumae, Cidhi, wupenj ba Bal-zebub, ma mungu mir Ekron, tek abiboth ku tho maeni.

2 Ubimo 13:14

Nie kum Elica lith mi tho pare m’etho kudo: e Yoac m’ubimo mir Israel uloro piny i bang’e, man eywak i wie, ewacu kumae, Vwa, vwa, magali mir Israel ku weg riunine!

2 Ubimo 16:7

Kum kumeno Ahaz uoro jukwenda ba Tiglat-pileser m’ubimo mir Ascur, ewacu kumae, An a jatic peri man wodi: idh malu, man ibodha kud i cing ubimo mi Cami, man kud i cing ubimo mir Israel, m’ujai ira.

2 Ubimo 5:13

E jutic pare eoro ceng’ni, man giweco i bang’e, giwacu de kumae, Vwa, tek jabila wacu iri itim gin moko ma dit, itime ngo? ma sagu dit ungo, kan ewacu iri kumae, Logi, man ibed leng’i?

2 Ubimo 5:5

Ubimo mi Cami uwacu kumae, Kawono cidhi, man abioro waraga ni ubimo mir Israel. E etugo woth, man eting’o talanto mi mola ma tar apar ecidho ko, ku cekel mi mola ma kwar rubanga abusiel, man kendi m’alawa apar.

2 Ubimo 6:21

E ubimo mir Israel uwacu ni Elica kumae, kinde m’enenogi, Vwa, abigoyogi? abigoyogi?

Eklizia 3:6

nindo mi yenyo, man nindo mi rwinyo; nindo mi gwoko, man nindo mi bayu;

Filemon 1:14

ento kan ambe ku lembe ma ii pido ayenyo ngo atim gin moko; kara bero peri kud ubed mir adhula, ento calu iyenyo.

1 Samwil 25:8

Penj awobi peri, e gibiyero iri: kum kumeno wek awobi maeni unwang’ bero i weng’i; kum wabino i ceng’ ma ber: akwei, mi gin ma tec uwok i cingi ni jutic peri, man ni wodi ma Daudi.

1 Samwil 9:7

Saul ulund uwacu ni jatic pare kumae, Ento, nen, tek wacidho, wabitero ang’o ni ng’atuno? kum kwen uthum i jamni mwa, man giramia mbe ma water ni dhanu pa Mungune: wabedo kud ang’o?