2 Ubimo 8:5 - The Holy Bible In Alur (Lur) Revised Orthography

⁵ Man etimbre, kinde m’ebeyero ni ubimo maram edwoko ko ng’atu m’utho ubed kwo, nia, nen, dhakune, m’edwoko wode kwo, eywak bang’ ubimo pi ot pare man pi ng’om pare. Man Gehazi wacu kumae, Rwoth para, E ubimo, maeni dhakune, man maeni wode, ma Elica dwoko kwo.

2 Ubimo 8:5 ပူးပေါင်းရင်းမြစ်များ

1 Ubimo 20:1

E Ben-hadad m’ubimo mi Cami coko udul pare ceke karacelo; man ubimo pier adek wi ario ni kude, ku riuni man magali: man eidho malu etieko Samaria de kud ali, man ekiedo i kume.

2 Ubimo 4:12

Man ewacu ni Gehazi ma jatic pare kumae, Lwong’ Nyacunami maeni. E kan elwong’e, ecungo i wang’e.

2 Ubimo 4:35

Elund edwogo, man ewotho i ot bang’ acel kun ku kun; e eidho malu, man eriebre gire i wie: e nyathinne goyo tham wang’ abiro, man nyathinne yabu wang’e.

2 Ubimo 6:12

E ng’atu acel ma kind jutic pare wacu kumae, Ungo, rwoth para, E ubimo; ento Elica, jabila ma ni i kind Israel, eyero ni ubimo mir Israel lembe m’iweco ku i kusika mi kavuto peri.

2 Ubimo 6:26

Man kinde m’ubimo mir Israel ubekadhu ku wi gang’lddi, dhaku acel uywak i bang’e, ewacu kumae, Kony, rwoth para, E ubimo.

2 Ubimo 8:6

E kan ubimo penjo dhakune, eyero ire. Kum kumeno ubimo goyo wi jego moko ire, ewacu kumae, Dwok gin ceke ma pare, ku nying’ podho ceke ugambre i ceng’ m’eweko ie ng’om, cil kawono.

Ester 5:14

Zerec ma cege lund uwacu ire ku jurimbe ceke de kumae, Dong’ jugur yen ma bot pier abic, man kugweno iyer ni ubimo nia judei Mordekai i wie: kan ibilund mondo ku mutoro wukud ubimo ba cemo. E lembene maku i Haman; man eketho jugur yende.

Zaburi 145:1

Abipeki, Mungu para, E Ubimo; Man abimio mugisa ni nyingi nja ku nja.

Lembrieko 16:9

Adunde dhanu poro yo pare; Ento Yehova nyutho ka dakutielo pare.

Eklizia 9:11

Adwogo, man aneno the ceng’, nia jung’wec sagu gin ungo i kwaya, kadi i lwiny de jutego sagu gin ungo, kadok kwen de jurieko nwang’u gin ungo, kadi lonyo de weg ng’eyothelembe nwang’u gin ungo, kadi bero de jubodho nwang’u gin ungo; ku ba dhanu ceke ng’atuman bedo ku nindo pare man gagi ma podho ire.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

Ruth 2:3

E ecidho, man ebino beko kund cam i podho i ng’ei jukai: etimbre ire nia ewok i ng’et podho ma en e piny pa Boaz, ma en e wat pa Elimelek.

1 Samwil 26:17

Man Saul ung’eyo dwand Daudi, man ewacu kumae, Maeni dwendi, woda, Daudi? Man Daudi wacu kumae, En e dwanda, rwoth para, E ubimo.