2 Ubimo 7:6 - The Holy Bible In Alur (Lur) Revised Orthography

⁶ Kum Rwoth uketho udul Jucami uwinjo ba magali, man ba riuni, en e bang’ udul ma dit: e giwecri gigi kumae, Nen, ubimo mir Israel umio agama ni ubimo mi Juhiti, kud ubimo mi Jumisiri i kumwa, kara gibin i wiwa.

2 Ubimo 7:6 ပူးပေါင်းရင်းမြစ်များ

2 Samwil 10:6

Man ka nyithindho mir Amon gineno nia gidoko ni ginmajudagu ni Daudi, nyithindho mir Amon gioro kwenda man gimio sukulia gigamu ko Jucami ba Beth-rehob, man Jucami pa Zoba, dhany ma ku tielo rubanga pier ario, man ubimo mi Maka karacelo ku dhanu rubanga acel, man dhanu pa Tob dhanu rubanga apar wi ario.

2 Samwil 5:24

Man ebibedo, kinde m’iwinjo ba woth wi yen m’udinyo, ibilund yikri; kum i kinde maeca nwang’u Yehova wok woko i weng’i kara egoi udul mi Jufilisti.

1 Ubimo 10:29

Man magali acel uidho malu ku yo i Misiri mi cekel mi mola ma tar dak abusiel, man riuni acel mi cekel dak acel ku pier abic; man kumeno ni ubimo ceke mi Juhiti, man ni ubimo mi Cami, giwodhogi woko ku kind piny migi.

1 Ubimo 20:20

E ginego kubang’gi kubang’gi ng’atuman dhanu pare; e Jucami giringo, man Israel uriemo gi: man Ben-hadad m’ubimo mi Cami uboth ku wi riuni giku weg riuni.

2 Ubimo 19:7

Nen, abiketho tipo i ie, man ebiwinjo rwonglembe, e ebidok i ng’om pare ma dhe; man abiketho epodho ku palamularu i ng’om pare ma dhe.

2 Ubimo 7:5

E giai malu ma fodi piny col col, kara gicidh ba kagonjo mi Jucami; e kinde ma giwok i ng’et kagonjo mi Jucami ma yo woko, nen, ng’atu moko mbe kuca.

Kitabu Pa Yob 15:21

Badwal mi ndiri ni i ithe; I mierolembe janyoth bibino i wie.

Zaburi 14:5

Lworo ma dit upodho i wigi kuca; Kum Mungu ni i dhanum’utuk mi ju ma pwe.

Isaya 31:1

Can wi ju m’uloro piny i Misiri pi kony, man m’ugeno riuni, m’ugeno magali de kum gi dupa, ku weg riuni kum gi tek hai, ento gineno ba Ng’atu Maleng’ mir Israel ungo, kadok Yehova de giyenyo ngo!

Isaya 36:9

Ka kumeno icopo loko wang’ jego acel ma gi nok i kind jutic pa rwoth para, man iketh gen peri kum Misiri pi magali man pi riuni?

Yeremia 46:21

Man dhanu pare mi sukulia i kinde bende gi calu nyithi dhiang’ m’i dwol; kum gin bende gilokri cen, giringo karacelo, gicungo ngo: kum ceng’ mi ruvwa migi wok i kumgi, en e nindo mi lieu migi.

Ezekiel 1:24

Man kinde ma gicidho, awinjo badwand bombgi calu badwand pi ma dit, calu dwand Ng’atu ma Jategokpo, badwal mi yakni calu badwal mir udul: kinde ma gicungo, gikonjo bombgi piny.

Ezekiel 10:5

Man badwand bomb kerubi winjre cil ba lelagang’ ma yo woko, calu dwand Mungu ma Jategokpo kinde m’eweco.

Lembanyutha 9:9

Man gibedo kud asikor, ma calu asikor mi nyunyu; man badwand bombgi calu badwand magali, mi riuni dupa m’uberingo dhu lwiny.

Jupoklembe 7:21

E gicungo ku ba dhanu ng’atuman i kakare gitieko ko kagonjo gbur; man udul ceke ringo; gikok de, giriemo kogi.

1 Samwil 14:15

Man mielkum ni i kagonjo, i thim, man i kind dhanu ceke; ju m’i ot ma tek, man junyothng’om bende, kumgi miel; ng’om de yengre: kum kumeno mielkum nuti dit apila.

1 Samwil 26:6

Daudi lund uloko lembe man ewacu ni Ahimelek ma Jahiti, man ni Abicai ma wod Zeruia, m’umin Yoab, ewacu kumae, Ng’a ma wabiloro piny wakugi ba Saul i kagonjo? E Abicai uwacu kumae, Wabiloro wakudi.