2 Ubimo 7:4 - The Holy Bible In Alur (Lur) Revised Orthography

⁴ Tek wawacu kumae, Wabimondo i adhura, ndru lund ubedo i adhura, e wabitho kuca; man tek wabedo asu keni, de wabitho. Ka kumeno kawono wubin, e wek wapodhu bang’ udul mi Jucami: tek gibodhowa ma kwo, wabibedo kwo; man tek ginegowa, de wabitho.

2 Ubimo 7:4 ပူးပေါင်းရင်းမြစ်များ

2 Samwil 14:14

Kum wabikotho be, man wa calu pi m’uoi i ng’om, ma jucopo coko kendo ngo; kadok Mungu de ekabu kwo woko ngo, ento ie poro lembe, kara ng’atu ma jurieme kud ebed ng’atu ma jurieme kud i bang’e.

2 Ubimo 6:24

Man etimbre yo ng’ei maeni, nia Ben-hadad m’ubimo mi Cami ucoko udul pare ceke, man eidho malu, e etieko Samaria.

2 Ubimo 7:5

E giai malu ma fodi piny col col, kara gicidh ba kagonjo mi Jucami; e kinde ma giwok i ng’et kagonjo mi Jucami ma yo woko, nen, ng’atu moko mbe kuca.

I Lemkei 12:19

Pa Manase bende jumoko dok ba Daudi, kinde m’ebino ku Jufilisti kum Saul i lwiny; ento gikonyogi ngo; kum judongo mi Jufilisti giporo lembe ma girieme ko, giwacu kumae, Ebidok ba rwoth pare ma Saul man jumaru thumo wiwa.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Yeremia 14:18

Tek awok woko i thim, e, nen, ju ma junegogi ku palamularu! man tek amondo i adhura, e, nen, ju ma kumgi lith, ni kum ndru! kum jabila ku jalam giwotho awotha i ng’om, man ng’eyong’ec umbe kugi.

Yeremia 8:14

Nedi wabedo ling’i? wucokru giwu, man wek wamond i adhura ma tek, e wek wabed ling’ kuca; kum Yehova Mungu mwa ketho wanyothra, man emio iwa pi mir ulecu wamadhi, kum wadubo ni Yehova.

Yona 3:9

Ng’a m’ung’eyo tek Mungu bilokre ngo, biloko cwinye de, biweko lak kwinyo pare woko kara ku warwinyi?

Juebrania 9:27

Man kum ekethre ni dhanu ya githo wang’ acel pii, man yo ng’ei maeni pokolembe;