2 Ubimo 7:2 - The Holy Bible In Alur (Lur) Revised Orthography

² Jego m’ubimo jeng’ i cinge ulund uloko lembe ni dhanu pa Mungu, man ewacu kumae, Nen, tek Yehova timo wang’ot i polo, e maeni copo bedo? Man ewacu kumae, Nen, ibinene ku weng’i, ento ibicamu kume ngo.

2 Ubimo 7:2 ပူးပေါင်းရင်းမြစ်များ

Thangambere 7:11

I rundi dak abusiende mi camung’om pa Noa, i dwi mir arionde, i ceng’ apar wi abirone mi dwije, i cenguno kulo ceke mi nam ma dit uthwogre, man wang’ polo yabre.

2 Ubimo 5:18

I lembe maeni Yehova wek kier pa jatic peri: kinde ma rwoth para mondo i ot pa Rimon kara erwo kuca, man ejeng i cinga, man arum gira i ot pa Rimon, kinde m’arum gira i ot pa Rimon, Yehova wek kier pa jatic peri i gin maeni.

2 Lemkei 20:20

E giai pir kugweno, man gicidho woko i langa mi Tekoa: e kinde ma gicidho woko, Yehocafat ucungo man ewacu kumae, Koiwinja, E Yuda, man wu ju m’ubedo i Yerusalem: wuyi Yehova Mungu mu, e wubicungo; wuyi jubila pare, e lembe mu bibedo miero.

Zaburi 78:41

Man gilokri kendo gibidho Mungu de, Man ginyayu ng’ecwiny i Ng’atu Maleng’ mir Israel.

Isaya 7:9

man wi Efraim en e Samaria, man wi Samaria en e wod Remalia. Tek wubiyio ngo, wubicungo ngo andha.

Yeremia 29:32

ka kumeno Yehova wacu kumae, Nen, abisendo Cemaya ma Janehelami, ku kodhine; ebibedo ku ng’atu ma nico ngo ma bibedo i kind dhanu maeni, kadok lem ma ber, m’abitimo ni dhanu para de ebineno ngo, Yehova wacu, kum eyero lem jai kum Yehova.

Malaki 3:10

Wukel apajpiny ma bo i odkanpiny, kara cam ubed nuti i ot para, man wumul ia kawono kum maeni, Yehova mir udul uwacu, tek abiyabu iwu wang’ polo ngo, man abikonjo iwu mugisa, kara ka m’urome bed umbe.

Kitabu Mir Ang’wende Pa Musa Wel 11:13

Abinwang’u ring’o kani m’ami ni dhanu maeni ceke? kum giywak i bang’a, giwacu kumae, Mi iwa ring’o, wacam.

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Jurumi 3:3

Kum en e ang’o tek jumoko yioyic umbe kugi? yioyic migi m’umbe bithiro bedomandha pa Mungu?

Poi Mi Cik 3:27

Idh malu wi usimbru Pizga, man iting’ weng’i yo reto, ku yor ariwa ma malu, man yor ariwa ma piny, ku yo nyangu, man inen ku weng’i: kum ibikadhu loka Yordan maeni ngo.

2 Timoteo 2:13

tek wan wa jumandha ngo, en re en e mandha; kum ecopo kwere gire ngo.