2 Ubimo 5:8 - The Holy Bible In Alur (Lur) Revised Orthography

⁸ Man ebedo, kinde ma Elica ma dhanu pa Mungu uwinjo nia ubimo mir Israel uyeco kendi pare, nia eoro kwenda bang’ ubimone, ewacu kumae, Nedi iyeco kendi peri? wek ebin kawono i bang’a, man ebing’eyo nia jabila nuti i kind Israel.

2 Ubimo 5:8 ပူးပေါင်းရင်းမြစ်များ

2 Samwil 3:31

Man Daudi wacu ni Yoab, ku dhanu ceke ma gini kude kumae, Wuyec kendi mu, man wutwi gonia, wuywak de i wang’ Abner. E ubimo ma Daudi lubo tok kika mir avu.

1 Ubimo 12:22

Ento lembe pa Mungu bino ba Cemaya ma dhanu pa Mungu, uwacu kumae,

1 Ubimo 17:24

Man dhakune wacu ni Elia kumae, Kawono ang’eyo nia in i dhanu pa Mungu man nia lembe pa Yehova m’i dhogi en e andha.

2 Ubimo 1:6

Man giwacu ire kumae, Ng’atu acel uidho malu kara eromb kudwa, man ewacu iwa kumae, Wucidhi, wulokru kendo bang’ ubimo m’uorowu, wuwac ire de kumae, Yehova wacu kumae, En e kum Mungu mbe ambea i kind Israel uketho ioro kwenda kara ipenj ba Bal-zebub, ma mungu mir Ekroni? ka kumeno ibiloro piny ungo ku wi kavuto m’iidho i wie, ento ibitho andha.

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

2 Ubimo 5:3

Man ewacu ni mege pagi kumae, A dok ande rwoth para ni ba jabila ma ni i Samaria! kuno di ecangu joi pare.

2 Ubimo 5:7

E etimbre, kinde m’ubimo mir Israel usomo waragane, nia eyeco kendi pare, man ewacu kumae, An a Mungu, ma nia anego man aketho bedo kwo, m’uketho ng’atuni oro lembe i bang’a ya acang joi mi kum dhanu? ento akwayuwu, iwu pid man wunen maram eyenyo ko lembe i kuma.

2 Ubimo 5:9

Kum kumeno Naman ubino ku riuni pare man ku magali pare, man ecungo dhugola mi ot pa Elica.

Ai 11:8

Man jutic peri maeni ceke biloro piny i bang’a, man gibirum piny ira, gibiwacu kumae, Ai, ku dhanu ceke m’ulubi: e yo ng’ei maeni abiai. Man eai woko ku ba Farao ku ng’ecwiny ma lieth.

Ezekiel 2:5

E gin, kadok gibiwinjo, kadi kadok gibiwinjo ngo (kum gi ot mi jai), ento gibing’eyo nia jabila bedo i kindgi.

Hoseya 12:13

Man Yehova wodho Israel ku i Misiri ni kum jabila, man ebedo agwoka ni kum jabila.

Jurumi 11:13

Ento ayero iwu wu ju ma wu Thekdhanumange. Kum kumeno kum an a jakwenda mi Thekdhanumange, ayungo tic para;

1 Samwil 9:6

E ewacu ire kumae, Nen kawono, dhanu pa Mungu nuti i adhura maeni, man en e ng’atu ma won yung; gin ceke m’ewacu timbre andha: kawono dong’ wacidh keca; kuno nyo ecopo yero iwa pi woth ma wacidho i ie.