2 Ubimo 4:1 - The Holy Bible In Alur (Lur) Revised Orthography

¹ Nie dhaku m’i kind mon mi wot jubila uywak bang’ Elica, ewacu kumae, Jatic peri ma cwara tho; e ing’eyo nia jatic peri lworo Yehova: man jarabanja bino kara egam nyithindho para ire ni ng’eca.

2 Ubimo 4:1 ပူးပေါင်းရင်းမြစ်များ

Thangambere 22:12

E ewacu kumae, Kud iketh cingi kum nyathin, kadi gin moko de kud itim i kume; kum kawono ang’eyo nia ilworo Mungu, kum ikwero wodi ngo ira, wodi kulong’.

1 Ubimo 18:3

Man Ahab ulwong’o Obadia, ma en e wi juot. (Nwang’u Obadiane lworo Yehova hai:

1 Ubimo 20:35

Man ng’atu moko ma kind wot jubila wacu ni wadi ku lembe pa Yehova kumae, Akwei, goya. Man ng’atuca kwero goye.

2 Ubimo 2:15

Man kinde ma wot jubila ma gini i Yeriko ma yor i bang’e ginene, giwacu kumae, Tipo pa Elia udong’ wi Elica. E gibino rombo kude, man girum i wang’e arieba wang’gi.

2 Ubimo 2:3

E wot jubila ma ni i Beth-el giwok woko bang’ Elica, e giwacu ire kumae, Ing’eyo nia Yehova bigamu rwoth peri kud i wii tini? Man ewacu kumae, Eyo, ang’eyo; wuling’.

2 Ubimo 2:5

Man wot jubila ma gini Yeriko gibino ceng’ni bang’ Elica, man giwacu ire kumae, Ing’eyo nia Yehova bigamu rwoth peri kud i wii tini? Man eloko lembe kumae, Eyo, ang’eyo; wuling’.

2 Ubimo 2:7

Man dhanu pier abic ma kind wot jubila gicidho, e gicungo yor i bang’gi ku cen: man gin arione gicungo dhu Yordan.

2 Ubimo 4:38

E Elica dwogo kendo i Gilgal. E ndru nuti i ng’ombe; man wot jubila gibedo i wang’e; man ewacu ni jatic pare kumae, Keth agulu ma dit, man ited dek ni wot jubila.

2 Ubimo 6:9

E dhanu pa Mungu oro lembe bang’ ubimo mir Israel, ewacu kumae, Bed ku weng’i nia kud ikadh ka ma nyo; kum Jucami beloro piny keca.

Nehemia 10:31

man tek kodhidhanu m’i ng’om gikelo agulu kadi cam moko i ceng’ sabatu kara jung’ieu, ya wabing’iewo i bang’gi ngo i ceng’ sabatu, kadi i ceng’ ma leng’ moko; man nia wabiweko rundi mir abirone, ku wodh ma tek ma juwodho ko banja kubang’e kubang’e.

Nehemia 7:2

nia amio Hanani m’umira, ku Hanania ma jabim mi ot ma tek, tic mi bimo Yerusalem; kum en e ng’atu mandha, man elworo Mungu ma sagu dhanu dupa.

Zaburi 103:11

Kum calu polo bedo malu wi ng’om, E mer mi bero pare bedo dit kumeno wi ju m’ulwore.

Zaburi 103:17

Ento mer mi bero pa Yehova gambre rondo ku rondo cil rondo ku rondo kum ju m’ulwore, Man bedopwe pare kum nyithindho mi nyithindho;

Zaburi 115:13

Ebimio mugisa ni ju m’ulworo Yehova, Ju ma thindho ku ju ma dongo.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Lembrieko 22:7

Jalonyo bimo wi jacan; Man jagam banja en e jatic ni jami banja.

Eklizia 12:13

Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

Eklizia 8:12

Kadok jadubo dub lembe wang’ dak, man emed nindo pare, ento ang’eyo andha nia lembe bibedo ber ni ju ma lworo Mungu, ma lworo negogi i wang’e:

Isaya 50:1

Yehova wacu kumae, Waraga mi riem pa meru ni kani, m’arieme kudo? kadi ang’iewowuba jami banja para ma kani? Nen, jung’iewowu kum kier mu, man juriemo meru kum gondri mu.

Yeremia 34:14

I kajik mi rtindi abiro kubeng’wu kubeng’wu ng’atuman bigonyo umin ma Jaebrania, ma jung’iewo i beng’i, man m’utimo iri rundi abusiel, ibigonye eai i beng’i: ento kwaruwu winjo dwanda ngo, kadok ithgi de giciko ngo.

Lembe Mi Julawi 25:48

jucopo ware yo ng’ei ng’ieurene: kind utumin acel copo ware;

Malaki 3:16

Ju ma lworo Yehova gilund giwecri i kindgi; e Yehova ciko ithe, man ewinjo, e kitabu mi poi ukieure i wang’e, pi ju ma lworo Yehova, man pia igi pido pi nyinge.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 18:25

Ento kum ebedo ku gin moko ngo m’ecul, rwoth pare ng’olo ya jung’iewe, ku cege, ku nyithindho, ku gin ceke m’ebedo ko, man ecul wang’ banja.

Matayo 18:30

E eyio ngo: ento ecidho ecwale i odkol, maram ebiculo ko wang’ banjane.

Matayo 18:35

E Vwa m’i polo bende bitimo iwu kumeno, tek wuweko kier mir umego woko ngo kubeng’wu kubeng’wu ku i adundewu.

Tic Mi Jukwenda 13:26

Umego, nyikwai kodhi Ibrahim, ku ju m’i kindwu ma lworo Mungu bende, lembe mi both maeni juoro iwa.

Yakobo 2:13

Kum pokolembe kisa pare mbe ni ng’atu m’unyutho kisa ngo: kisa behaire kum pokolembe.

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 19:5

Man dwal uai i komker, uwacu kumae, Wupak Mungu mwa, wu jumiru pare ceke, wu ju m’ulwore, ma thindho ku ma dongo.

Ruth 1:3

Man Elimelek, ma cwar Naomi, tho; en de edong’, ku wote ario.

1 Samwil 22:2

Man ku ba dhanu ceke ma lembe ni i wigi, man ku ba dhanu ceke ma jurubanja, man ku ba dhanu ceke ma lembe dieng’o ewinygi, gicokri gigi i bang’e; man edoko ni jego i wigi: man dhanu ma ni bang’e giyenyo romo dak ang’wen.