2 Ubimo 3:3 - The Holy Bible In Alur (Lur) Revised Orthography

³ Endre emoko kum dubo pa Yeroboam ma wod Nebat, m’eketho Israel udubo kudo; eai i ie ngo.

2 Ubimo 3:3 ပူးပေါင်းရင်းမြစ်များ

1 Ubimo 13:33

Yo ng’ei gin maeni Yeroboam ulokre kendo ngo kud i yo pare ma rac, ento etimo julam kendo mi ka ma malu ku kind dhanu ceke: ng’atu ma tek uyio, ekethe, kara julam mi ka ma malu bed nuti.

1 Ubimo 14:16

Man ebimio Israel kum dubo pa Yeroboam, m’edubo, man m’eketho Israel udubo kudo.

1 Ubimo 14:9

ento itimo dubo ma sagu dhanu ceke m’ular uwok iri, man icidho itimo iri mungu mange, kud ayi giracwia m’atwaga, kara unyai ng’ecwiny i ia, man ibaya i ng’ei:

1 Ubimo 15:26

E etimo gin ma rac i wang’ Yehova, man ewotho i yo pa won, man i dubo pare m’eketho Israel udubo kudo.

1 Ubimo 15:34

Man etimo gin ma rac i wang’ Yehova, e ewotho i yo pa Yeroboam, man i dubo pare m’eketho Israel udubo kudo.

1 Ubimo 16:31

E etimbre, calu en e gin ma nok ire nia ewoth i dubo pa Yeroboam ma wod Nebat, nia egamu Yezebel nyar Ethbal m’ubimo mi Jusidoni ni dhaku, man ecidho etimo ni Bal, erwo ire de.

2 Ubimo 13:11

Man etimo gin m’ubedo rac i wang’ Yehova; eweko dubo ceke pa Yeroboam ma wod Nebat ungo, m’eketho Israel udubo kudo; ento ewotho i ie.

2 Ubimo 13:2

Man etimo gin m’ubedo rac i wang’ Yehova, man elubo dubo pa Yeroboam ma wod Nebat, m’eketho Israel udubo kudo; man eweke ngo.

2 Ubimo 13:6

Ento giweko dubo mi ot pa Yeroboam ungo, m’eketho Israel udubo kudo, ento giwotho i ie: man mungu m’araga bende dong’ i Samaria.)

2 Ubimo 14:24

Man etimo gin m’ubedo rac i wang’ Yehova: eweko dubo ceke pa Yeroboam ma wod Nebat ungo, m’eketho Israel udubo kudo.

2 Ubimo 15:18

Man etimo gin ma rac i wang’ Yehova: ku ba ceng’ pare ceke eweko dubo pa Yeroboam ungo ma wod Nebat, m’eketho Israel udubo kudo.

2 Ubimo 15:9

Man etimo gin ma rac i wang’ Yehova, calu kwaru pare timo: man eweko dubo pa Yeroboam ma wod Nebat ungo, m’eketho Israel udubo kudo.

2 Ubimo 17:21

Kum eng’enyo Israel kud i ot pa Daudi; e giketho Yeroboam ma wod Nebat ni ubimo: man Yeroboam unyebo Israel kum weko lubo Yehova, man eketho gidubo dubo ma dit.

2 Ubimo 17:22

Man nyithindho mir Israel uwotho i dubo ceke pa Yeroboam m’etimo; giwekogi ngo;

2 Ubimo 17:23

cil ma Yehova kabu ko Israel kud i wang’e, calu eyero ku dhu jutic pare ceke ma jubila. Kum kumeno juyaku Israel kud i ng’om migi ma dhe juterogi i Ascur cil i ceng’ ma tin.

2 Ubimo 21:16

Mange de Manase cwiro rimo dit hai ma dubone mbe, maram epong’o ko Yerusalem kun ku kun; umedo dubo pare m’eketho Yuda dubo kudo, kutimo maeno m’ubedo rac i wang’ Yehova.

2 Ubimo 23:15

Man ke eturo pemblam piny ma ni Beth-el, man ka ma malu ma Yeroboam ma wod Nebat, m’uketho Israel udubo, utimo, en e pemblam maeno ku ka ma malu de; e ewang’u ka ma malu man eode edoko ni utur, man ewang’u mungu m’araga.