2 Ubimo 24:3 - The Holy Bible In Alur (Lur) Revised Orthography

³ Maeni wok wi Yuda andha ni kum lembang’ola pa Yehova, kara ukabgi woko kud i wang’e, kum dubo pa Manase, calku gin ceke m’etimo,

2 Ubimo 24:3 ပူးပေါင်းရင်းမြစ်များ

Thangambere 50:20

Man wun, wupido lembe rac i kuma; ento Mungu pido lembene mi ber, kara uketh etimbre, calu ebedo i ceng’ maeni, kara ubodh dhanu dupa gibed kwo.

2 Ubimo 17:18

Ka kumeno ng’ecwiny ma dit unego Yehova kum Israel, man ekabugi woko kud i wang’e: moko mbe m’udong’ ndhu suru pa Yuda kende.

2 Ubimo 17:20

E Yehova kwero kodhi ceke mir Israel, man esendogi, e emiogi i cing’ junyoth, cil m’ebayugi ko kud i wang’e.

2 Ubimo 17:23

cil ma Yehova kabu ko Israel kud i wang’e, calu eyero ku dhu jutic pare ceke ma jubila. Kum kumeno juyaku Israel kud i ng’om migi ma dhe juterogi i Ascur cil i ceng’ ma tin.

2 Ubimo 18:25

Kawono aidho malu kum ka maeni ma Yehova mbe kude kara anyothe? Yehova wacu ira kumae, Idh malu kum ng’om maeni, man inyothe.

2 Ubimo 21:16

Mange de Manase cwiro rimo dit hai ma dubone mbe, maram epong’o ko Yerusalem kun ku kun; umedo dubo pare m’eketho Yuda dubo kudo, kutimo maeno m’ubedo rac i wang’ Yehova.

2 Ubimo 24:20

Kum etimbre kakare i Yerusalem ku Yuda ni kum ng’ecwiny pa Yehova, cil m’ebayugi woko kud i vute.

2 Lemkei 24:24

Kum njuru asikari mi Jucami bino kud udul dhanu ma nyanok; man Yehova mio udul ma dit apila i cing’gi, kum giweko Yehova, ma Mungu pa kwaru migi. Kum kumeno gitimo lembapoka wi Yoac.

2 Lemkei 25:16

Man etimbre, kinde m’eweco kude, nia ubimo wacu ire kumae, Wakethi kind juporlembe p’ubimo? bed ling’; iyenyo jugoi nedi? Jabilane lund uling’, man ewacu kumae, Ang’eyo nia Mungu keco nia enyothi, kum itimo maeni, man iwinjo lembapora para ngo.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Isaya 45:7

Atimo der, man acwio mudho; atimo kwiocwiny, man aketho lem ma rac; an a Yehova, m’utimo gin maeni ceke.

Yeremia 32:31

Kum adhura maeni bedo ira ni gin ma nyayu ng’ecwiny para man kwinyo para gambre i ceng’ ma gigome cil i ceng’ ma tin; kara akabe kud i nyim wang’a,

Yeremia 52:28

Maeni dhanu ma Nebukadrezar utero ni ng’eca: i rundi mir abirone Juyahudi rubanga adek ku pier ario wi adek;

Ezekiel 22:3

Man iwac kumae, Rwoth Yehova wacu kumae: Adhura ma cwiro rimo i kinde, kara nindo pare bin, man ma timo mungu m’araga i kume gire kara ucide mire!

Ezekiel 24:6

Kum kumeno Rwoth Yehova wacu kumae: Can wi adhura mi rimo, ni ajiku ma dit ma munyaline ni i ie, man munyali kuwok ungo kud i ie! kab wath ku wath woko kud i ie; gagi moko mbe m’upodho i wie.

Amos 3:6

Jubikudho agwara i adhura, ma lworo kunego dhanu ngo? lem ma rac bipodho kum adhura, ma Yehova kutime en ungo?

Mika 2:10

Wuai, man wucidhi; kum maeni kayom mu ngo; kum cilo m’unyotho, en e kum nyoth ma rac.

Poi Mi Cik 28:63

Man ebitimbre, nia, calu anyong’a nego Yehova i kumwu kara etimwu ber, man emedwu, e anyong’a binego Yehova i kumwu kumeca m’erwiny kowu, man m’enyoth kowu de; e jubiyakuwu kud i ng’om m’imondo i ie nimwonye.

Poi Mi Cik 29:28

e Yehova mugogi kud i ng’om migi ku ng’ecwiny, man ku kwinyo, man ku ngbukni ma dit, man ebayugi i ng’om mange, calu ma tin.

Yocuwa 23:15

Man ebitimbre, nia calu gin ma ber ceke ma Yehova Mungu mu yero iwu pire uwok i kumwu, e kumeno Yehova bikelo i wiwu gin ma rac ceke, maram enyoth kowu kud i ng’om maeni ma ber ma Yehova Mungu mu mio iwu.