2 Ubimo 21:3 - The Holy Bible In Alur (Lur) Revised Orthography

³ Kum egomo ka ma malu kendo ma Hezekia ma won unyotho; man eting’o pemblam ni Bal, man etimo mungu m’araga, calu Ahab m’ubimo mir Israel utimo, man erwo ni udul m’i polo ceke, etimo igi de.

2 Ubimo 21:3 ပူးပေါင်းရင်းမြစ်များ

1 Ubimo 18:21

Man Elia bino ceng’ni ba dhanu ceke, e ewacu kumae, Wubikomo akoma i kind yic ario rokani? tek Yehova en e Mungu, wulube; ento tek Bal, e wulube. Man dhanu giloko ire lembe acel de ngo.

1 Ubimo 18:26

E gigamu thwon dhiange ma jumio igi, e gitong’e, man gilwong’o nying’ Bal ugambre kugweno cil dieceng’, giwacu kumae, E Bal, koiwinjwa. Ento dwal moko mbe ma nuti, kadi moko mbe m’uloko lembe. Man giwotho ku por malu gilworo ko pemblam ma juguro.

2 Ubimo 13:6

Ento giweko dubo mi ot pa Yeroboam ungo, m’eketho Israel udubo kudo, ento giwotho i ie: man mungu m’araga bende dong’ i Samaria.)

2 Ubimo 17:16

E giweko lembang’ola ceke pa Yehova Mungu migi, man gitimo igi ayi gin m’acwia m’atwaga, en e nyithi dhiang’ ario, e gitimo mungu m’araga, man girwo ni udul ceke m’i polo, man gitimo ni Bal.

2 Ubimo 18:22

Ento tek wuwacu ira kumae, Wageno Yehova Mungu mwa; en e en ungo, ma Hezekia kabu ka ma malu pare ku pemblam pare, man ewacu ni Yuda ku Yerusalem kumae, Wurwo i wang’ pemblam maeni i Yerusalemi?

2 Ubimo 18:4

Ekabu ka ma malu, man erwombo mbegi, eng’olo mungu m’araga piny de: man eturo thwol mi mola ma Musa timo nziki nziki: kum cil i ceng’ maeno nyithindho mir Israel giwang’u udok ma ng’wice ng’ar ire; man elwong’e Nehuctan.

2 Ubimo 8:18

Man ewotho i yo p’ubimo mir Israel, calu ot pa Ahab utimo: kum ebedo ku nyar Ahab ni dhaku; e etimo gin m’ubedo rac i wang’ Yehova.

2 Ubimo 8:27

E ewotho i yo mi juot pa Ahab, man etimo gin m’ubedo rac i wang’ Yehova, calu juot pa Ahab utimo; kum en e jalwod juot pa Ahab.

2 Lemkei 32:12

Hezekia maeni ukabu ka ma malu woko ngo ku pemblam pare, man eng’olo ni Yuda ku Yerusalem, ewacu kumae, Wubirwo i wang’ pemblam acel, man wubiwang’u udok ma ng’wice ng’ar i wie?

2 Lemkei 34:3

Kum i rundi mir aborane mi camuker pare, kinde ma fodi en e aradu, emaku yenyo Mungu pa Daudi ma kwaru mire; man i rundi apar wi arionde emaku dwoko Yuda ku Yerusalem leng’ ni ka ma malu, ku mungu m’araga, man ayi gin m’apaya, kud ayi gin m’athiedha.

Kitabu Pa Yob 31:26

Tek aneno ceng’ kinde m’erieny, Kadi dwi m’ubewotho ku rieny,

Isaya 65:11

Ento wun ma wuweko Yehova, ma wiwu wil pi got para ma leng’, ma wuyiko mesa ni mierolembe, man ma wupong’o pigulok m’ajeba ni mungu m’araga;

Yeremia 7:30

Kum nyithindho mi Yuda gitimo gin ma rac i wang’a, Yehova wacu: giketho ginmajudagu migi i ot m’ulwongre ku nyinga, kara gicide.

Mika 6:16

Kum cik pa Omri juworo, ku tic ceke mi ot pa Ahab, man wuwotho i lembapora migi; kara adwoki ni nyoth, man ju ma gibedo i iene ni cac; e wubiyeyo cac mi dhanu para.

Poi Mi Cik 16:21

Kud ipidh iri mungu m’araga mi yen moko i ng’et pemblam pa Yehova Mungu peri, m’ibitimo iri.

Poi Mi Cik 17:2

Tek junwang’u nico kadi dhaku i kindi, yor i dhugang’ peri moko ma Yehova Mungu peri mio iri, m’utimo gin ma rac i wang’ Yehova Mungu peri, ku kadhu wi lembariba pare,

Poi Mi Cik 17:3

man ecidho etimo ni mungu mange, erwo igi de, kadi ni ceng’, kadi ni dwi, kadi ni udul moko m’i polo, m’ang’olo ngo,

Poi Mi Cik 20:18

kara ku giponjwu ku timo calu ginmajudagu migi ceke, ma gitimo ni mungu migi; wumaru dubo ni Yehova Mungu mu.

Poi Mi Cik 4:19

man kara kud itwor weng’i i polo, man kinde m’ineno ceng’ ku dwi man cero, en e udul ceke m’i polo, iyweiri cen man irwo igi, itim: igi de, ma Yehova Mungu peri poko mi kodhidhanu ceke ma the polo ngung’.