2 Ubimo 20:3 - The Holy Bible In Alur (Lur) Revised Orthography

³ Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

2 Ubimo 20:3 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Thangambere 5:22

man Enok uwotho ku Mungu yo ng’ei nyolo Methusela rundi dak adek, man enyolo nyithindho ma co ku nyithindho ma nyir:

Thangambere 5:24

man Enok uwotho ku Mungu: e en embe; kum Mungu game.

Thangambere 8:1

E Mungu poi kum Noa, man pi yedi ceke, man pi lim ceke ma gini kude i avurne: man Mungu timo yamu ukadh wi ng’om, e pige dwono;

1 Ubimo 11:4

Kum etimbre, kinde ma Suleman uti, nia mon pare loko adundene tok mungu mange; man adundene bedo ndhu cu ngo ku Yehova Mungu pare, calu adunde Daudi ma won.

1 Ubimo 15:14

Ento jukabu ka ma malu woko ngo; ento adunde Asa bedo ndhu cu ku Yehova i nindo pare ceke.

1 Ubimo 2:4

kara Yehova keth lembe pare cungi m’eyero pira, m’ewacu kumae, Tek nyithindhi bedo ku wang’gi kum yo migi, kara giwoth i wang’a i lemandha kud adundegi ceke man ku ng’eyong’ec migi ceke, e dhanu birem iri ngo (ewacu) ma bibedo wi komker mir Israel.

1 Ubimo 3:6

Man Suleman uwacu kumae, Inyutho kisa ma dit ni jatic peri ma Daudi ma vwa, calu ewotho i weng’i i lemandha, man i bedopwe, man kud adunde m’atira kudi; man ikanu ire kisa maeni ma dit, nia imio ire nyathin ma nico ujany wi komker pare, calu ebedo i ceng’ ma tin.

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

1 Ubimo 8:61

Ka kumeno wuwek adundewu bed ndhu cu ku Yehova Mungu mwa, mi wotho i cik pare, man mi timo lembang’ola pare, calu i ceng’ ma tin.

1 Ubimo 9:4

Man piri in, tek ibiwotho i wang’a, calu Daudi ma wuru wotho, kud adundeni ma cu, man ku tic m’atira, ku timo calku gin ceke m’ang’olo iri, man ibiworo cik para ku lembapoka para;

2 Ubimo 20:2

Elund eloko wang’e yor i kor ot, man erwo ni Yehova, ewacu kumae,

2 Ubimo 20:4

E etimbre, ma fodi Isaya kucidho i dier adhura ngo, nia lembe pa Yehova bino i bang’e, m’uwacu kumae,

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

Nehemia 13:14

Poi pira, E Mungu para, pi maeni, man kud iruc tic ma ber para woko m’atimo pi ot pa Mungu para, man pi gin pare m’ang’ola.

Nehemia 13:22

Man ang’olo ni Julawi ya gidwokri gigi leng’, man nia gibin gikur dhugang’, kara gidwok ceng’ sabatu leng’. Poi pira, E Mungu para, pi maeni bende, man iweka calku dit mi mer mi beroni.

Nehemia 13:31

man pi girathiera mi yen, i nindo ma jung’olo, man pi mwoka. Poi pira ber, E Mungu para.

Nehemia 5:19

Poi pira, E Mungu para, pi bero, gin ceke m’atimo pi dhanu maeni.

Kitabu Pa Yob 1:1

Ng’atu moko nuti i ng’om Uz, ma nyinge Yob: e ng’atu maeno bedo ndhu cu man atira, en e ng’atu ma lworo Mungu de, man elokre cen ni dubo.

Kitabu Pa Yob 1:8

E Yehova wacu ni Jok kumae, Iparu pi jatic para ma Yobi? kum ng’atu moko mbe ma calu en i ng’om, ng’atu ma ndhu cu man atira, ng’atu ma lworo Mungu, man ma lokre cen ni dubo.

Kitabu Pa Yob 16:20

Jurimba gicaya: Ento wang’a eoro piwang’ ba Mungu,

Kitabu Pa Yob 4:6

Lworo Mungu peri en e genogen peri ngo, Man bedocu mi yo peri en e genogen peri ngo?

Zaburi 102:9

Kum acamu vuru calu kwen, Man ajebo giramadha para ku ywak;

Zaburi 119:26

Ayero pi yo para, man iloko ira lembe: Ponja ku cik peri.

Zaburi 119:49

Poi kum lembe ni jatic peri, Kum iketho ageno.

Zaburi 145:18

Yehova ni ceng’ni dhanu ceke m’ulwong’e. Ni dhanu ceke m’ulwong’e i lemandha.

Zaburi 25:7

Kud ipoi pi dubo mir aradu para, kadi camuco para; Poi pira calku mer mi bero peri, Kum bero peri, E Yehova.

Zaburi 26:1

Pok lembe para, E Yehova, kum awotho ku bedocu para: Ageno Yehova bende ma cwinya ni ji ji ngo.

Zaburi 26:3

Kum mer mi bero peri ni i wang’a; Man awotho i lemandha peri.

Zaburi 32:2

Mugisa ni ng’atu ma Yehova kwanu kier pare ngo, Man ma tipone mbe kud abombi.

Zaburi 39:13

A weka, kara adok tek kendo, Ma fok’acidho kamange ngo, man abedo mbe kendo.

Zaburi 6:6

Aol ku cur para; Ku ba diewor atobo kavuto para; Akwoyo kavuto para ku piwang’a,

Zaburi 6:7

Wang’a jung’ kum can para; ejobo bel ni kum jusend para ceke.

Zaburi 89:47

Poi, E Rwoth, maram nindo mi kwo nok ko, Ni kum gin ma ie nanu icwio wot dhanu!

Zaburi 89:50

Rwoth, poi kum cac mi jutic peri; Maram ayeyo ko cac mi kodhidhanu ma tek ceke i kora,

Isaya 38:14

Calu ajwinyjwiny calu ung’wolu, e akok kumeca; Acur acura calu akuru; wang’a tal ku neno malu: E Yehova, jusenda, bed jadhulembe para.

Isaya 63:11

Elund epoi kum nindo ma con, pi Musa ku dhanu pare, ewacu kumae, Ng’atu m’uwodhogi woko kud i nam karacelo ku jukwac mir udul rombe pare ni kani? ng’atu m’uketho Tipo pare ma leng’ i kindgi ni kani?

Yeremia 4:2

man ibikwong’o kwong’ kumae, Calu Yehova bedo kwo, i lemandha, i pokolembe, man i bedopwe; man thek bimio mugisa igi gigi ni kume, man gibiluli ni kume.

Amos 5:4

Kum Yehova wacu kumae ni ot mir Israel, Wuyenya, e wuibedo kwo;

Luka 1:6

Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac.

Yohana 1:47

Yesu neno Nathanael ubebino i bang’e, man ewacu pire kumae, Nen, Jaisraeli mandha ma abombi mbe i ie!

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

Juebrania 5:7

En ma i ceng’ maeni mi kume, nwang’u ewodho rwo ni Mungu ku kwayukwac ma ku ywak ma tek ku piwang’ ni ng’atu ma copo lare ni tho, m’ewinjre de ni kum lworo pare ma ayi Mungu ni i kume,