2 Ubimo 18:6 - The Holy Bible In Alur (Lur) Revised Orthography

⁶ Kum emoko kum Yehova; eweko lube ngo, ento eworo lembang’ola pare, ma Yehova ng’olo ni Musa.

2 Ubimo 18:6 ပူးပေါင်းရင်းမြစ်များ

2 Ubimo 17:13

Ento Yehova tuco ni Israel, man ni Yuda, ku jubila ceke kubang’gi kubang’gi, man ku jueulembe ceke kubang’gi kubang’gi, ewacu kumae, Wulokru kud i yo mu ma rac, man wuwor lembang’ola para ku cik para, calku cik ceke m’ang’olo ni kwaruwu, man m’aoro i beng’wu ku jutic para man jubila.

2 Ubimo 17:16

E giweko lembang’ola ceke pa Yehova Mungu migi, man gitimo igi ayi gin m’acwia m’atwaga, en e nyithi dhiang’ ario, e gitimo mungu m’araga, man girwo ni udul ceke m’i polo, man gitimo ni Bal.

2 Ubimo 17:19

Yuda bende woro lembang’ola pa Yehova Mungu migi ngo, ento giwotho i cik mir Israel ma gitimo gin.

2 Ubimo 20:3

Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

Isaya 38:3

man ewacu kumae, Kawono poi, E Yehova, akwei, maram awotho ko i weng’i ku lemandha man kud adunde ma ndhu cu, man atimo gin m’ubedo ber i weng’i. Man Hezekia ywak mi can.

Yeremia 11:4

m’ang’olo ni kwaruwu i ceng’ m’awodhogi ie woko kud i ng’om Misiri, ku i uka mi nyunyu, m’awacu kumae, Wuwor dwanda, man wutimgi, calku gin ceke m’ang’olo iwu: kum kumeno wubibedo dhanu para, man abibedo Mungu mu;

Yohana 14:15

Tek wumara wubiworo cik para.

Yohana 14:21

Ng’atu m’ubedo ku cik para, m’uworogi de, en e ng’atu m’umara: ng’atu m’umara de Vwa de bimare, man abimare, abinyuthra de ire.

Yohana 15:10

Tek wuworo cik para, wubibedo i mema; cil calu aworo cik pa Vwa, abedo de i merne.

Yohana 15:14

Wun wu jurimba, tek wutimo gin m’ang’olo iwu.

Tic Mi Jukwenda 11:23

ma, kinde m’ewok, eneno bero pa Mungu de, mutoro nege; edong’ eponjogi ceke nia ku tego mir adundegi gimok ndhu kum Rwoth:

Poi Mi Cik 10:12

E kawono, Israel, Yehova Mungu peri lwong’o ang’o i beng’i, ndhu lworo Yehova Mungu peri, kara iwoth i yo pare ceke, man nia imare, man nia itim ni Yehova Mungu peri kud adundeni ceke man ku ng’eyong’ec peri ceke,

Poi Mi Cik 10:20

Lwor Yehova Mungu peri; tim ire, mok i kume, man ikwong’ ku nyinge.

Yocuwa 23:8

ento wumok kum Yehova Mungu mu, calu wutimo cil i ceng’ maeni.

1 Yohana 5:3

Kum maeni en e mer pa Mungu, nia wawor cik pare: man cik pare gi pek ungo.