2 Ubimo 18:4 - The Holy Bible In Alur (Lur) Revised Orthography

⁴ Ekabu ka ma malu, man erwombo mbegi, eng’olo mungu m’araga piny de: man eturo thwol mi mola ma Musa timo nziki nziki: kum cil i ceng’ maeno nyithindho mir Israel giwang’u udok ma ng’wice ng’ar ire; man elwong’e Nehuctan.

2 Ubimo 18:4 ပူးပေါင်းရင်းမြစ်များ

1 Ubimo 22:43

Man ewotho i yo ceke pa Asa ma won mire; elokre cen ungo i kume, m’etimo ko gin m’atira i wang’ Yehova: ento ka ma malu jukabu woko ngo; dhanu gilamu lam giwang’u udok ma ng’wice ng’ar de i ka ma malu asu.

2 Ubimo 10:26

E giwodho mbegi ma ni i ot pa Bal woko, man giwang’ugi.

2 Ubimo 11:18

E dhanu ceke m’i ng’om gicidho ba ot pa Bal, e girwombe piny; pem pare kud ayi gin m’acwia pare gituro nziki nziki ma gwei, man ginego Matan ma jalam pa Bal i wang’ pemblam. Man jalam uketho jego wi ot pa Yehova.

2 Ubimo 12:3

Ento jukabu ka ma malu woko ngo; dhanu gilamu lam asu man giwang’u udok ma ng’wice ng’ar i ka ma malu.

2 Ubimo 14:4

Ento ka ma malu fodi jukabu woko ngo: fodi dhanu gilamu lam man giwang’u udok ma ng’wice ng’ar i ka ma malu asu.

2 Ubimo 15:35

Ento jukabu ka ma malu woko ngo: dhanu gilamu lam, man giwang’u udok ma ng’wice ng’ar i ka ma malu asu. Eguro dhugang’ ma malu mi ot pa Yehova.

2 Ubimo 15:4

Ento jukabu ka ma malu woko ngo: dhanu lamu lam man giwang’u udok ma ng’wice ng’ar i ka ma malu asu.

2 Ubimo 16:15

Man Ahaz m’ubimo ng’olo ni Urija ma jalam, ewacu kumae, Wang’ lam m’awang’a mi kugweno wi pemblam ma dit, ku lam mi mogo mir uthieno, ku lam m’awang’a p’ubimo, ku lam mi mogo pare, ku lam m’awang’a mi dhanu ceke m’i ng’om, man lam mi mogo migi, ku lam m’amadha migi; man ikir rimo ceke mi lam m’awang’a i wie, ku rimo ceke mi lam: ento lam mi mola bibedo ira m’apenjo kudo.

2 Ubimo 18:22

Ento tek wuwacu ira kumae, Wageno Yehova Mungu mwa; en e en ungo, ma Hezekia kabu ka ma malu pare ku pemblam pare, man ewacu ni Yuda ku Yerusalem kumae, Wurwo i wang’ pemblam maeni i Yerusalemi?

2 Ubimo 21:3

Kum egomo ka ma malu kendo ma Hezekia ma won unyotho; man eting’o pemblam ni Bal, man etimo mungu m’araga, calu Ahab m’ubimo mir Israel utimo, man erwo ni udul m’i polo ceke, etimo igi de.

2 Ubimo 23:14

Man eturo mbegi nziki nziki, man etong’o mungu m’araga piny, man epong’o kakagi ku cogo mi dhanu.

2 Ubimo 23:4

Man ubimo ng’olo ni Hilkia ma jalam ma dit, ku julam mi pok mir arionde, man jukur mi kamondo, kara giwodh agulu ceke woko kud i hekalu pa Yehova ma jutimo ni Bal, man ni mungu m’araga, man ni udul ceke m’i polo; e ewang’ugi ng’ei Yerusalem i pothi m’i Kidron, man etero vurune i Beth-el.

2 Lemkei 19:3

Ento junwang’u gin ma ber i ii, kum ikabu mungu m’araga woko kud i ng’om man iketho adundeni kara iyeny Mungu.

2 Lemkei 31:1

Nie kinde ma maeni ceke thum, I Israel ceke ma ginuti giwok woko bang’ adhura mi Yuda, man gituro mbegi nziki nziki, man gitong’o mungu m’araga piny, gituro ka ma malu de piny ku pemblam kud i Yuda ceke man Benyamin, i Efraim bende man Manase, cil ma ginyotho kogi ceke. Nyithindho mir Israel ceke gilund gidok ku ba dhanu ceke ng’atuman ba piny pare, i adhura migi ma dhe.

2 Lemkei 33:3

Kum egomo ka ma malu kendo ma Hezekia ma won uturo piny; man eguro pemblam ni Balim, e etimo mungu m’araga, man erwo ni udul m’i polo ceke, etimo igi de.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Ai 23:24

Kud irum piny ni mungu migi, kadi atima de kud itim igi, kadi kud itim calu tic migi de; ento ibing’ielogi pet, man ibituro mbegi migi nziki nziki.

Ai 34:13

ento wutur pemblam migi, man wutur mbegi migi nziki nziki, man wutong’ mungu m’araga migi piny:

Isaya 36:7

Ento tek iwacu ira kumae, Wageno Yehova Mungu mwa: maeni en ungo, ma ka ma malu pare ku pemblam pare Hezekia kabu woko, man ewacu ni Yuda ku Yerusalem kumae, Wurwo wang’ pemblam maeni?

Lembe Mi Julawi 26:30

E abinyotho ka ma malu mu, man abing’olo ayi m’acwia mi ceng’ mu piny, man abibayu avujwu wi kum mungu m’araga mu; e ng’eyong’ec para bidagu wu.

Poi Mi Cik 5:5

(acungo i kind Yehova ku wun i nindo maeca, kara anyuth iwu lembe pa Yehova: kum lworo negowu kum mac, man wuidho malu wi got ungo), ewacu kumae,

Poi Mi Cik 7:5

Ento wutim kumeni i kumgi: wurung pemblam migi, man wutur mbegi migi nziki nziki, man wutong’ mungu m’araga migi piny, man wuwang’ ayi m’ang’ika migi ku mac.

Jupoklembe 6:25

Man etimbre i diewor nica, nia Yehova wacu ire kumae, Gam thwon dhiang’ pa wuru, en e thwon dhiang’ mir arionde ma rundi pare abiro, man iredh pemblam pa Bal ma wuru bedo ko, man itong’ mungu m’araga ma ni ceng’ni kude piny;

Jupoklembe 6:28

Man ka dhanu mir adharane ni malu pir kuhweno, nen, pemblam pa Bal urwombre piny, man jung’olo mungu m’araga ma ni ceng’ni kude, man thwon dhiang’ mir arionde juthiero wi pemblamne ma juguro.