2 Ubimo 16:4 - The Holy Bible In Alur (Lur) Revised Orthography

⁴ Man elamu lam ewang’u udok ma ng’wice ng’ar de i ka ma malu, man wi ungulu gudi, man the yen ceke m’uluk kubang’e kubang’e.

2 Ubimo 16:4 ပူးပေါင်းရင်းမြစ်များ

1 Ubimo 14:23

Kum gigomo igi ka ma malu bende, ku mbegi, man mungu m’araga, wi ungulu got ceke ma wiu kubang’e kubang’e, man the yen ceke m’uluk kubang’e kubang’e;

2 Ubimo 12:4

Man Yehoac uwacu ni julam kumae, Sente ceke mi gin ma leng’ ma jukelo i ot pa Yehova, en e sente ma jutimo kudo tic, sente mi dhanu ma jukwanu wi dhanu kubang’gi kubang’gi, man sente ceke ma ng’atu moko yenyo ya ekel i ot pa Yehova,

2 Ubimo 14:4

Ento ka ma malu fodi jukabu woko ngo: fodi dhanu gilamu lam man giwang’u udok ma ng’wice ng’ar i ka ma malu asu.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Isaya 65:4

m’ubedo kind liel, man m’ugonjo i ka ma ling’; m’ucamu ring’ kul, man cwe mi ginmajudagu ni i agulu migi;

Isaya 66:17

Ju m’udwokri gigi leng’ man m’ulonjri kara gicidh ba pothi, i ng’ei yen acel i diere, m’ebecamu ring’ kul, ku ginmajudagu, man uyo, gibijik karacelo, Yehova wacu.

Yeremia 17:2

kinde ma nyithindhgi poi kum pemblam migi ku mungu m’araga migi ng’et yen m’udinyo wi ungulu gudi ma wiu.

Ezekiel 43:7

Man ewacu ira kumae. Wod dhanu, maeni ka mi komker para, man ka die tienda, ka in’abibedo ie i kind nyithindho mir Israel mi nja. Man ot mir Israel bicido nyinga ma leng’ kendo ngo, kadok gin, kadi ju m’ubimo migi, kud asara migi, man kud avu ju m’ubimo migi i ka ma malu migi;

Ezekiel 6:13

Man wubing’eyo nia an a Yehova, kinde ma dhanu migi ma junego ubedo i kind mungu m’araga migi i vut pemblam migi gbur, wi ungulu gudi ma wiu kubang’e kubang’e, wi usimbru gudi ceke, man the en m’uluk kubang’e kubang’e, man the ongu m’uluk kubang’e kubang’e, en e ka ma githiero ie ng’wic mido ma ng’ar ni mungu m’araga migi ceke.

Poi Mi Cik 12:2

Wunyoth ka ceke andha ma thek ma wubiyaku timo ie ni mungu migi, wi gudi ma wiu, man wi ungulu gudi, man the yen m’uluk kubang’e kubang’e: