2 Ubimo 12:9 - The Holy Bible In Alur (Lur) Revised Orthography

⁹ Ento Yehoiada ma jalam ugamu sanduk, man epiyo wi sandukne, e ekethe i ng’et pemblam, i ng’ete ma yor acwic ka jumondo i ot pa Yehova; e julam ma gwoko dhugola giketho sente ceke ma jukelo i ot pa Yehova i ie.

2 Ubimo 12:9 ပူးပေါင်းရင်းမြစ်များ

2 Ubimo 12:8

E julam giyio nia ku gigam sente kendo ba dhanu, kadok wang’ot m’umor de gibiyiko ngo.

2 Ubimo 22:4

Idh malu ba Hilkia ma jalam ma dit, kara ekwan sente ma jukelo i ot pa Yehova, ma jukurdhugola gicoko ku ba dhanu;

2 Ubimo 23:4

Man ubimo ng’olo ni Hilkia ma jalam ma dit, ku julam mi pok mir arionde, man jukur mi kamondo, kara giwodh agulu ceke woko kud i hekalu pa Yehova ma jutimo ni Bal, man ni mungu m’araga, man ni udul ceke m’i polo; e ewang’ugi ng’ei Yerusalem i pothi m’i Kidron, man etero vurune i Beth-el.

2 Ubimo 25:18

Man jego mi jukur ugamu Seraya ma jalam ma dit, ku Zefania ma jalam mir arionde, man juadek ma jugwokdhugola;

I Lemkei 15:18

man karacelo kugi utumeggi mi wel mir arionde, Zekaria, man Ben, man Yaziel, man Cemiramoth, man Yehiel, man Uni, man Eliab, man Benaya, man Maseya, man Matithia, man Elifelehu, man Mikneya, man Obed-edom, man Yeyel, ma jukur dhugola.

I Lemkei 15:24

Man Cebania, man Yocafat, man Nethanel, man Amasai, man Zekaria, man Benaya, man Eliezer, ma julam, gikudho agwara wang’ sanduk pa Mungu; man Obed-edom ku Yehia gi jukur dhugola mi sanduk.

Zaburi 84:10

Kum ceng’ acel i lelagang’ peri e ber ma sagu ceng’ rubanga. Afoyo bedo jakur dhugola i ot pa Mungu para, Sagu bedo i hema mi dubo.

Yeremia 35:4

e akelogi i ot pa Yehova, i kusika mi wot Hanan ma wod Igdalia, ma dhanu pa Mungu, ma ni i ng’et kusika mi judongomawijo, ma ni malu wi kusika pa Maseya ma wod Calum, ma jagwok kamondo.

Yeremia 52:24

Man jego mi jukur ugamu Seraya ma jalam ma jadit, ku Zefania ma jalam mir arionde, ku jukur dhugola adek:

Marko 12:41

Man ebedo piny vut kakanpiny, man eneno rama udul dhanu gibolo ko sente i kakanpinyne: dupa de ma gi julonyo gibolo lwar i ie.

Luka 21:1

E eng’ayu wang’e malu, man eneno julonyo m’ubolo giramia migi i kakanpiny.