2 Ubimo 11:4 - The Holy Bible In Alur (Lur) Revised Orthography

⁴ Man i rundi mir abirone Yehoiada oro kwenda man ekelo jego ma wi dak mi Jukari man mi jukur, e egamugi i bang’e i ot pa Yehova; man etimo lembariba kugi, e eketho gikwong’o i ot pa Yehova, man enyutho igi wod ubimo.

2 Ubimo 11:4 ပူးပေါင်းရင်းမြစ်များ

Thangambere 50:25

Man Yusuf uketho nyithindho mir Israel gikwong’o kwong’, ewacu kumae, Mungu biliewowu andha, man wubiyeyo cogona malu ku keni.

2 Samwil 20:23

Nie Yoab ni wi udul mir Israel ceke; man Benaya ma wod Yehoiada ni wi Jukerethi man wi Jupelethi;

2 Samwil 8:18

man Benaya ma wod Yehoiada en e wi Jukerethi man Jupelethi: man wot Daudi gi jutim ma judongo.

1 Ubimo 14:27

Man ubimo ma Rehoboam utimo ban mi mola kakagi, man ekethogi i cing’ jego mi jukur, ma gwoko dhugola mi ot p’ubimo.

1 Ubimo 18:10

Calu Yehova Mungu peri bedo kwo, thek moko mbe kadi ker, ma rwoth para kuyenyi i ie ngo: man ka giwacu kumae, Eni keni ngo, egamu kwong’ ba kerne man ba thekne, nia ginweng’i ngo.

2 Ubimo 11:17

Man Yehoiada timo lembariba kind Yehova kud ubimo man dhanu, nia gibed dhanu pa Yehova; i kind ubimo bende ku dhanu.

2 Ubimo 11:19

Man egamu jego ma wi dak, ku Jukari, man jukur, ku dhanu ceke m’i ng’om; e gikelo ubimo piny kud i ot pa Yehova, man gibino yo ba dhugang’ mi jukur cil kum ot p’ubimo. Man ejany wi komker p’ubimo.

2 Ubimo 11:3

man ebedo kude apana i ot pa Yehova rundi abusiel. Man Athalia camu ker wi ng’om.

2 Ubimo 11:9

Man jego ma wi dak gitimo calku lembe ceke ma Yehoiada ma jalam ung’olo; e ku ba dhanu ng’atuman ugamu dhanu pare, ju ma gibibino i ceng’ sabatu, man ju ma gibiwok woko i ceng’ sabatu, e gibino ba Yehoiada ma jalam.

2 Ubimo 12:7

Ubimo ma Yehoac ulund ulwong’o Yehoiada ma jalam, ku julam mange, man ewacu igi kumae, Nedi wuyiko wang’ot m’umor ungo? ka kumeno kawono kud wugam sente kendo ba ju ma wung’eyogi, ento wumie pi wang’ot m’umor.

2 Ubimo 23:3

E ubimo cungo ba mbegi, man etimo lembbariba i wang’ Yehova, kara elub tok Yehova, man ewor lembang’ola pare, ku lembatuca pare, man cik pare, kud adundene ceke man ku ng’eyong’ec pare ceke, kara etim lembe mi lembariba maeni m’ugore i kitabu maeni: man dhanu ceke gicungo kum lembaribane.

I Lemkei 9:13

man uturneggi, ma wi udi pa weggi, rubanga acel ku dak abiro ku pier abusiel; dhanu ma cu hai pi tic mi giratima mi ot pa Mungu.

2 Lemkei 15:12

Man gimondo i lembariba ma giyeny ko Yehova, Mungu pa kwaru migi, kud adundegi ceke man ku ng’eyong’ec migi ceke;

2 Lemkei 29:10

Kawono eni i adundena ya atim lembariba ku Yehova, ma Mungu mir Israel, kara ng’ecwiny pare ma lake tek ulokre woko kud i bang’wa.

Nehemia 10:29

gimoko kum juwagi, ma weg yung migi, man gimondo i kwong’, kud alam, ya giwoth i cik pa Mungu, m’umire ni kum Musa ma jatic pa Mungu, man kara gilwor gitim lembang’ola pa Yehova ma Rwoth mwa, ku lembapoka pare ku cik pare;

Nehemia 5:12

Gilund giwacu kumae, Wabidwokogi, e wabilwong’o gin moko i! bang’gi ngo; wabitimo kumeno, cil calu i iwacu. Alund alwong’o julam, man agamu kwong’ i bang’gi, nia gibitimo calku lembang’ola maeni.

Nehemia 9:38

Man karacelo ku maeni ceke watimo lembariba mandha, e wagore; man judongomawijo mwa, ku Julawi mwa, man julam mwa, gimwono ayi i kume.

Tic Mi Jukwenda 5:24

Nie ka jadit mi hekalu ku julam ma dongo giwinjo lembe maeni, igi pido mumbe i kumgi maram lembene binyai ko.

Tic Mi Jukwenda 5:26

E jadit mi hekalu kud asikari gilund gicidho, gikelogi, endre ku kero ngo; kum gilworo dhanu, gimaru canyugi ku kidi.

Yocuwa 24:25

Kum kumeno Yocuwa timo lembariba ku dhanune i ceng’ maeca, man eketho igi cik ku lembapoka i Cekem.

1 Samwil 18:3

Yonathan giku Daudi gilund gitimo lembariba, kum emare calu ng’eyong’ec pare gire.

1 Samwil 23:18

E gin ario gitimo lembariba i wang’ Yehova: man Daudi bedo i luli, man Yonathan udok i ot pare.