2 Ubimo 1:3 - The Holy Bible In Alur (Lur) Revised Orthography

³ Ento malaika pa Yehova wacu ni Elia ma Jaticbi kumae, Ai, idh malu kara iromb ku jukwenda p’ubimo mi Samaria, man iwac igi kumae, En e kum Mungu mbe ambea i kind Israel, m’uketho wucidho kara wupenj ba Bal-zebub, ma mungu mir Ekroni?

2 Ubimo 1:3 ပူးပေါင်းရင်းမြစ်များ

1 Ubimo 11:33

kum giweka, man girwo ni Actoroth ma mungu ma dhaku mi Jusidoni, ku Kemoc ma mungu mi Moab, man Milkom ma mungu mi nyithindho mir Amon; man giwotho i yo para ngo, kutimo gin m’atira i wang’a, man kuworo cik para ku lembapoka para, calu Daudi ma won utimo.

1 Ubimo 17:1

Man Elia ma Jaticbi, ma en e mir umondo mi Gilead, uwacu ni Ahab kumae, Calu Yehova Mungu mir Israel ubedo kwo, m’acungo i wang’e, thoi kadi koth de bibedo mbe rundi maeni, ento calku lembe para.

1 Ubimo 18:1

Man etimbre yo ng’ei nindo dupa, nia lembe pa Yehova bino bang’ Elia, i rundi mir adege, m’uwacu kumae, Cidhi, nyuthri giri ni Ahab; man abioro koth wi ng’om.

1 Ubimo 18:36

Man etimbre i nindo mi thiero girathiera mir uthieno, nia Elia ma jabila bino ceng’ni, man ewacu kumae, E Yehova, Mungu pa Ibrahim, pa Isak, man pa Israel wek jung’ei i ceng’ maeni nia in i Mungu i kind Israel, man nia an a jatic peri, man nia atimo gin maeni ceke kum lembe peri.

1 Ubimo 19:5

Man evuto piny enindo de the yen m’udinyone; man, nen, jamalaika mulo kume, man ewacu ire kumae, Ai malu man icam.

1 Ubimo 19:7

E malaika pa Yehova bino kendo wang’ arionde, man emulo kume, ewacu de kumae, Ai malu icam, kum woth e bor hai iri.

1 Ubimo 21:17

E lembe pa Yehova bino bang’ Elia ma Jaticbi, m’uwacu kumae,

2 Ubimo 1:2

Man Ahazia podho piny ku wang’ot i kusika pare ma malu ma ni i Samaria, e kume make: man eoro jukwenda, e ewacu igi kumae, Cidhi, wupenj ba Bal-zebub, ma mungu mir Ekron, tek abiboth ku tho maeni.

2 Ubimo 1:6

Man giwacu ire kumae, Ng’atu acel uidho malu kara eromb kudwa, man ewacu iwa kumae, Wucidhi, wulokru kendo bang’ ubimo m’uorowu, wuwac ire de kumae, Yehova wacu kumae, En e kum Mungu mbe ambea i kind Israel uketho ioro kwenda kara ipenj ba Bal-zebub, ma mungu mir Ekroni? ka kumeno ibiloro piny ungo ku wi kavuto m’iidho i wie, ento ibitho andha.

2 Ubimo 1:8

E giloko ire lembe kumae, En e jarayir man etwio lau. Man ewacu kumae, En e Elia ma Jaticbi.

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

2 Ubimo 5:8

Man ebedo, kinde ma Elica ma dhanu pa Mungu uwinjo nia ubimo mir Israel uyeco kendi pare, nia eoro kwenda bang’ ubimone, ewacu kumae, Nedi iyeco kendi peri? wek ebin kawono i bang’a, man ebing’eyo nia jabila nuti i kind Israel.

Zaburi 76:1

Mungu ng’eire i Yuda: Nyinge dwong’ i Israel.

Isaya 8:19

Man kinde ma gibiwacu iwu kumae, Wuyeny ba ju ma weg tipo man bang’ ajoga, ma kok man ma weco mung’ mung’: maku dhanu yeny ba Mungu migi ngo? maku giyeny pi ju ma kwo ba ju m’utho?

Yona 2:8

Ju m’uneno ba gin ma ie nanu mi ndra Gikuno kisa migi gigi.

Marko 3:22

E jugorcik ma giai Yerusalem giloro piny giwacu kumae, Wie ju Beelzebul, man ke kumae, Ebewodho pajogi ni kum jadit mi pajogi.

Tic Mi Jukwenda 8:26

Ento malaika pa Rwoth uyero ni Filipo, ewacu kumae, Ai malu, ici yor ariwa ma piny ba yo m’uai Yerusalem uloro Gaza: ng’ombe ng’om ngele.

1 Samwil 17:46

Yehova bimii i cinga tin; man abigoyi, man abithumo wii kud i kumi; man abimio avuj udul mi Jufilisti ni winyo ma kor polo tin, man ni yedi m’i thim m’i ng’om; kara ng’om ceke ging’ei nia Mungu nuti i kind Israel,