2 Ubimo 1:16 - The Holy Bible In Alur (Lur) Revised Orthography

¹⁶ Man ewacu ire kumae, Yehova wacu kumae, M’uketho ioro jukwenda kara upenj ba Bal-zebub, ma mungu mir Ekron, en e kum Mungu mbe ambea i kind Israel m’ipenj lembe i bang’e? ka kumeno ibiloro piny ungo ku wi kavuto m’iidho i wie, ento ibitho andha.

2 Ubimo 1:16 ပူးပေါင်းရင်းမြစ်များ

1 Ubimo 22:28

Man Mikaya wacu kumae, Tek idwogo ku kwiocwiny, nwang’u Yehova yero kuda ngo. Man ewacu kumae, Wuwinji, wu dhanu, kewu ceke.

2 Ubimo 1:6

Man giwacu ire kumae, Ng’atu acel uidho malu kara eromb kudwa, man ewacu iwa kumae, Wucidhi, wulokru kendo bang’ ubimo m’uorowu, wuwac ire de kumae, Yehova wacu kumae, En e kum Mungu mbe ambea i kind Israel uketho ioro kwenda kara ipenj ba Bal-zebub, ma mungu mir Ekroni? ka kumeno ibiloro piny ungo ku wi kavuto m’iidho i wie, ento ibitho andha.

2 Ubimo 20:1

I ceng’ maeca kum Hezekia lith cil mi tho. E Isaya ma jabila ma wod Amoz ubino i bang’e, man ewacu ire kumae, Yehova wacu kumae, Ng’ol lembe mi ot peri; kum ibitho, man ibibedo kwo ngo.

2 Ubimo 5:21

Kum kumeno Gehazi lubo tok Naman. Man ka Naman uneno ng’atu acel ubering’ni i toke, eloro piny ku wi magali pare kara eromb kude, man ewacu kumae, Lembe ceke bedo beri?

2 Ubimo 8:10

Man Elica wacu ire kumae, Cidhi, wac ire kumae, Ibidoko ber andha; ento Yehova nyutho ira nia ebitho andha.

2 Ubimo 8:8

Man ubimo wacu ni Hazael kumae, Gam giramia i cingi, man icidh, e irpmb ku dhanu pa Mungu, man ipenj Yehova ni kume, iwac kumae, Kuma ma lith maeni bikei?

Zaburi 132:3

Andha abimondo i hema mi ot para ngo, Kadi idho wi kavuto para;

Lembrieko 11:19

Ng’atu m’umoko kum bedopwe tundo kum kwo; Man ng’atu m’ulubo tok lem ma rac nwang’u etime ni tho pare gire.

Ezekiel 14:4

Ka kumeno yer igi, man iwac igi kumae, Rwoth Yehova wacu kumae: Ku ba dhanu ku ba dhanu mi ot mir Israel m’uketho mungu m’araga pare i adundene, man m’uketho ginmaredhojo mi kier pare i nyim wang’e, man m’ubino ba jabila; an a Yehova abiloko lembe ire i ie calkud udul mungu m’araga pare;