2 Samwil 9:3 - The Holy Bible In Alur (Lur) Revised Orthography

³ Man ubimo wacu kumae, Jumoko mbe m’i ot pa Saul ma fodi nuti, kara anyuth bero pa Mungu ire? E Ziba wacu ni ubimo kumae, Fodi wod Yonathan nuti, ma en e jarabala m’i tielo.

2 Samwil 9:3 ပူးပေါင်းရင်းမြစ်များ

2 Samwil 19:26

Man eloko lembe kumae, Rwoth para, e ubimo, jatic para bomba: kum jatic peri wacu kumae, Abiyiko jamb woth ira wi kana, kara awoth i wie, man wacidh kud ubimo; kum jatic peri en e won abala.

2 Samwil 19:27

Man edoto jatic peri ba rwoth para m’ubimo; ento rwoth para m’ubimo en e calu malaika pa Mungu: ka kumeno tim gin ma ber i weng’i.

2 Samwil 4:4

Nwang’u Yonathan, ma wod Saul, wode nuti ma won abala m’i tielo. Rundi pare abic kinde ma rwonglembe pa Saul ku Yonathan ubino kud i Yezrel; man japidi ting’e, e eringo: man etimbre, kinde m’etimo pio kara eringi, nia epodho, man abala kwanye. Man nyinge Mefiboceth.

2 Samwil 9:13

Kum kumeno Mefiboceth ubedo i Yerusalem; kum ecamu thiri thiri dhu mesa p’ubimo. Man en e jarabala i tiende ario de.

2 Samwil 9:7

E Daudi wacu ire kumae, Lworo kud unegi; kum abinyutho bero iri andha ni kum Yonathan ma wuru, man abidwoko ng’om ceke ma pa Saul i beng’i; man ibicamu kwen dhu mesa para thiri thiri.

Luka 6:36

Kisa negwu, cil calu kisa nego Wegwu.

Poi Mi Cik 10:15

Ento anyong’a nego Yehova ni kum kwaru ketho emarugi, man egoyo wi kodhigi yo ng’eigi, en e wun ma sagu kodhidhanu ceke, calu tinuni.

Poi Mi Cik 4:37

Man kum emaru kwaru, ka kumeno egoyo wi kodhigi yo ng’eigi, man ewodhoi woko ku wang’e, ku tego pare ma dit, kud i Misiri: