2 Samwil 9:11 - The Holy Bible In Alur (Lur) Revised Orthography

¹¹ Ziba lund uwacu ni ubimo kumae, Calku gin ceke ma rwoth para m’ubimo ng’olo ni jatic pare, jatic peri bitimo kumeca. Ento Mefiboceth, ubimo wacu, ebicamu dhu mesa para, calu ng’atu acel ma kind wot ubimo.

2 Samwil 9:11 ပူးပေါင်းရင်းမြစ်များ

2 Samwil 15:15

Man jutic p’ubimo giwacu ni ubimo kumae, Nen, jutic peri gibedo ayika mi timo gin ceke ma rwoth para m’ubimo bifoyo.

2 Samwil 19:17

Man dhanu rubanga acel pa Benyamin gini kude, ku Ziba ma jatic mi ot pa Saul, ku wote apar wi abic man jutic pare pier ario karacelo kude; e gikadhu kud i Yordan i vut ubimo.

2 Samwil 19:24

Man Mefiboceth ma wod Saul uloro piny kara eromb kud ubimo; man eronyo tiende ngo, kadi enyaru tike de ngo, kadi kendi de elwoko ngo, ugambre i ceng’ m’ubimo ai i ie cil i ceng’ m’edwogo ie pacu ma cwinye kwio.

2 Samwil 19:26

Man eloko lembe kumae, Rwoth para, e ubimo, jatic para bomba: kum jatic peri wacu kumae, Abiyiko jamb woth ira wi kana, kara awoth i wie, man wacidh kud ubimo; kum jatic peri en e won abala.

2 Samwil 9:10

Man ibifuro ng’om ire, in, ku woti, man jutic peri; man ibicoko nyinge, kara wod jadit peri bed ku kwen m’ecam: ento Mefiboceth ma wod jadit peri bicamu kwen thiri thiri dhu mesa para. Nwang’u Zibane wote apar wi abic man jutic pier ario.

2 Samwil 9:12

Man Mefibocethne wode ma nok nuti ma nyinge Mika. Man dhanu ceke m’ubedo i ot pa Ziba gi jutic ni Mefiboceth.

2 Samwil 9:13

Kum kumeno Mefiboceth ubedo i Yerusalem; kum ecamu thiri thiri dhu mesa p’ubimo. Man en e jarabala i tiende ario de.