2 Samwil 8:6 - The Holy Bible In Alur (Lur) Revised Orthography

⁶ Daudi lund uketho ot ma tek mir ali i Cami mi Dameski; man Jucami gidoko jutic pa Daudi, e gikelo ajok. Man Yehova mio aloci ni Daudi i ka ceke ma tek ecidho i ie.

2 Samwil 8:6 ပူးပေါင်းရင်းမြစ်များ

2 Samwil 10:19

Man kan ubimo ceke ma gi jutic pa Hadarezer gineno nia jusagugi i wang’ Israel, gitimo kwiocwiny kud Israel, man gitimo igi. Kum kumeno lworo konyo nyithindho mir Amon kendo unego Jucami.

2 Samwil 23:14

Man i kinde maeni Daudi ni i ka ma tek; man ot mir ali mi Jufilisti ni i Beth-lehem i nindo maeca.

2 Samwil 3:18

e dong’ wutime; kum Yehova yero pi Daudi, ewacu kumae, Ku cing’ Daudi ma jatic para, abibodho dhanu para ma Israel kud i cing’ Jufilisti, man kud i cing’ judegi migi ceke.

2 Samwil 5:10

Man Daudi cikudoko dit m’usagu; kum Yehova, Mungu mir udul, ni karacelo kude.

2 Samwil 7:9

man wabedo karacelo kudi i ka ceke m’icidho i ie, man akabu judegini ceke kud i weng’i; man abidwoki ni nying’ ma dit, calu nying’ ju ma dwong’ ma gini i ng’om.

2 Samwil 8:14

Man eketho ot ma tek mir ali i Edom; i Edom ceke mba mba eketho ot ma tek mir ali, man Juedomi ceke gidoko jutic pa Daudi. Man Yehova mio aloci ni Daudi i ka ceke ma tek ecidho i ie.

2 Samwil 8:2

Man egoyo Moab, man eporogi ku thol, m’eketho givuto piny i ng’om; man eporo wang’e ario kara eneggi, man wang’e acel bo juwek ubed kwo. Man Jumoabi gidoko jutic ni Daudi, e gikelo ajok.

2 Samwil 8:7

Man Daudi ting’o ban mi mola ma kwar ma ni kum jutic pa Hadadezer, man ekelogi i Yerusalem.

1 Ubimo 4:21

Man Suleman ubimo wi ker ceke ugambre Kulo cil kum ng’om mi Jufilisti, man kum kieu mi Misiri: gikelo ajok, man gitimo ni Suleman i nindo ceke mi kwo pare.

2 Ubimo 1:1

Man Moab ujai ni Israel yo ng’ei tho pa Ahab.

2 Ubimo 14:28

Nie dong’ tic pa Yeroboam, ku gin ceke m’etimo, man tego pare, maram etimo ko ali, man maram egamu ko Dameski kendo, ku Hamath, ma naka pa Yuda, pir Israel, gigore i kitabu mi lemkei mir ubimo mir Israel ungo?

2 Ubimo 18:7

Man Yehova ni kude; ka ceke ma tek ewok woko i ie lembe pare bedo miero: e ejai ni ubimo mir Ascur, man etimo ire ngo.

2 Ubimo 3:4

Nie Meca m’ubimo mi Moab en e ng’atu ma won rombe dupa; man eculo yuk nyithi rombe rubanga dak acel ni ubimo mir Israel, man mi nyogi rombe rubanga dak acel.

I Lemkei 18:13

Man eketho otmatek mir ali i Edom; man Juedomi ceke gidoko jutic pa Daudi. E Yehova mio aloci ni Daudi i ka ceke ma tek ecidho i ie.

2 Lemkei 17:2

Man eketho njuru asikari i adhura ma tek ceke mi Yuda, man eketho ot ma tek i ng’om mi Yuda, man i adhura pa Efraim ma Asa ma won umaku.

Zaburi 140:7

E Yehova ma Rwoth, ma tego mi both para, Iumo wia i ceng’ mi lwiny.

Zaburi 60:10

En e in ungo, E Mungu, m’ibayuwa? Man icidho woko ngo, E Mungu, kud udul mwa.

Lembrieko 21:31

Ri uni bedo ayika mi ceng ali; Ento aloci en e pa Yehova.

1 Samwil 13:3

Man Yonathan ugoyo ot ma tek mi Jufilisti ma ni i Geba; e Jufilisti giwinjo pire. Man Saul ukudho agwara i ng’ombe ceke mba mba, ewacu kumae, Wek Juebrania giwinji.

1 Samwil 14:1

Nie etimbre i ceng’ acel, nia Yonathan ma wod Saul uwacu ni jalawobi ma yeyo ban pare kumae, Bin, dong’ wacidh lokaca ba ot ma tek mi Jufilisti, ma ni yo lokaca. Ento eyero ngo ni won.

1 Samwil 14:15

Man mielkum ni i kagonjo, i thim, man i kind dhanu ceke; ju m’i ot ma tek, man junyothng’om bende, kumgi miel; ng’om de yengre: kum kumeno mielkum nuti dit apila.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.