2 Samwil 7:8 - The Holy Bible In Alur (Lur) Revised Orthography

⁸ Ka kumeno kawono ibiwacu ni Daudi ma jatic para kumae, Yehova mir udul uwacu kumae, Agemi kud i kwac mi rombe, ku lubo rombe, kara idok jatelwic wi dhanu para, wi Israel;

2 Samwil 7:8 ပူးပေါင်းရင်းမြစ်များ

2 Samwil 12:7

Man Nathan uwacu ni Daudi kumae, In i ng’atuno. Yehova, Mungu mir Israel, uwacu kumae, Awiri ni ubimo wi Israel, man abodhi kud i cing’ Saul;

2 Samwil 14:13

Man dhakune wacu kumae, Kum kumeno nedi ii pido pi wagi gin ma kumeni kum dhanu pa Mungu? kum kuyero lembe maeni ubimo bedo calu ng’atu ma lembe ni i wie, kum ubimo kudwoko ng’atu ma pare ma juriemo kendo ngo pacu.

2 Samwil 23:1

Nie maeni en e lembe ma cen pa Daudi. Daudi ma wod Yese wacu kumae, Man ng’atu ma judode malu wacu kumae, Ng’atu ma juwiro pa Mungu pa Yakobo, Man jawer ma mit mir Israel:

2 Samwil 24:17

E Daudi wacu ni Yehova kinde m’eneno malaika m’ugoyo dhanu, man ewacu kumae, Nen, adubo, man akier; ento rombe maeni, gitimo ang’o? akwei, wek cingi bed i wia, man wi ot pa vwa.

2 Samwil 5:2

I nindo ma con, kinde ma Saul en e ubimo i wiwa, en e in m’utelo wi Israel woko ku dwogo de: e Yehova wacu iri kumae, Ibibedo jakwac ni dhanu para Israel, man ibibedo jatelwic wi Israel.

2 Samwil 6:21

Man Daudi wacu ni Mikal kumae, En e i wang’ Yehova, m’ugoyo wia ma sagu wuru, man ma sagu ot pare ceke, kara eketha ni jaditmawijo wi dhanu pa Yehova, wi Israel: ka kumeno abituko i wang’ Yehova.

1 Ubimo 3:6

Man Suleman uwacu kumae, Inyutho kisa ma dit ni jatic peri ma Daudi ma vwa, calu ewotho i weng’i i lemandha, man i bedopwe, man kud adunde m’atira kudi; man ikanu ire kisa maeni ma dit, nia imio ire nyathin ma nico ujany wi komker pare, calu ebedo i ceng’ ma tin.

1 Ubimo 8:16

Ugambre i ceng’ m’awodho ie dhanu para Israel woko kud i Misiri, agoyo wi adhura moko ngo, kud i suru ceke mir Israel ya jugom ie ot, kara nyinga bed keca; ento agoyo wi Daudi kara ebed wi dhanu para Israel.

I Lemkei 17:7

Ka kumeno kawono ibiwacu kumeni ni jatic para Daudi, Yehova mir udul uwacu kumae, Agemi kud i kwac mi rombe, m’ibelubo rombe, kara ibed jatelwic mi dhanu para Israel:

I Lemkei 21:17

E Daudi wacu ni Mungu kumae, En e an ungo m’ung’olo ya jukwan dhanu? en e an m’adubo man akier dit; ento rombe maeni, gitimo ang’o? akwei, E Yehova Mungu para, wek cingi bed i wia, man wi ot pa vwa; ento wi dhanu peri ngo, ma nia jusendgi.

Amos 7:15

e Yehova gama ku tok udul rombe, man Yehova wacu ira kumae, Cidhi, cu ni dhanu para Israel.

Tic Mi Jukwenda 7:46

m’unwang’u bero i wang’ Mungu, man epenjo ya enwang’ kabedo ni Mungu pa Yakobo.

1 Samwil 10:1

Samwil ulund uting’o cupa mi mo, man ekonje i wie, ecwio limbe de, man ewacu kumae, En e kum Yehova wiri ngo nia ibed jatelwic mir aba pare?

1 Samwil 2:8

Eting’o jucan malu kud i utur, Eting’o ju ma can piny unegogi ku wi udhuru mi weyo, Kara gibed karacelo ku judongomawijo, Man gicam pacu mi komker mi dwong’: Kum mbegi m’i ng’om en e pa Yehova, Man eketho ng’om i wie.

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.