2 Samwil 7:24 - The Holy Bible In Alur (Lur) Revised Orthography

²⁴ Man iketho dhanu peri Israel ginyang’ iri kara gibed ni dhanu iri mi nja; man in, Yehova, idoko Mungu migi.

2 Samwil 7:24 ပူးပေါင်းရင်းမြစ်များ

Thangambere 17:7

Man abiketho lembariba para m’i kindwa wakudi ucungi man ku kodhini yo ng’eii cil kum dhanum’utuk migi ni lembariba mi nja, kara abed ni Mungu iri man ni kodhini yo ng’eii.

Thangambere 17:8

Man abimio iri ng’om mir umondo peri, ma en e ng’om Kanan ceke, ni piny mi nja, man ni kodhini yo ng’eii; man abibedo Mungu migi.

2 Samwil 7:23

Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

2 Samwil 7:25

Man kawono, E Yehova Mungu, lembe m’iyero pi jatic peri, man pi ot pare, keth ecung mi nja, man itim calu iyero.

I Lemkei 17:22

Kum dhanu peri Israel idwoko ni dhanu peri mi nja; man in, Yehova, idoko Mungu migi.

Zaburi 48:14

Kum Mungu maeni en e Mungu mwa mi nja: Ebibedo jatel wiwa cil kum tho.

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Yeremia 31:1

I nindo maeca, Yehova wacu, abibedo Mungu mi wat ceke mir Israel, man gibibedo dhanu para.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Yeremia 32:38

Man gibibedo dhanu para, man abibedo Mungu migi:

Hoseya 1:10

Ento wel mi nyithindho mir Israel bibedo calu kwio mi nam, ma pore ngo ma kwandre de ngo; man ebitimbre nia, i ka ma juwacu ie igi kumae, Wu dhanu para ngo, jubiwacu igi kumae, Wun wu wot Mungu ma kwo.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Yohana 1:12

Ento ju m’ujole ceke, emio igi tego ma gidoko ko nyithindho pa Mungu, ni ju ma giyio nyinge:

Poi Mi Cik 26:18

e Yehova tuco in tin nia ibed dhanu ni piny pare ma dhe, calu eng’olo iri, man nia igwok lembang’ola pare ceke;

Poi Mi Cik 27:9

E Musa giku julam ma Julawi giyero ni Israel ceke, giwacu kumae, Wuling’, man wuwinji, E Israel: Tin idoko dhanu pa Yehova Mungu peri.

Poi Mi Cik 32:6

Wudwoko ni Yehova kumeno, E wu dhanu mi kasegu man m’umbe ku rieko? En e wuru ngo m’ung’iewi? Etimi, man eketho inyang’.

1 Petro 2:10

wun ma naka wu dhanu ngo, ento kawono wu dhanu pa Mungu: wun ma naka fodi wunwang’u kisa ngo, ento kawono wudaru nwang’u kisa.