2 Samwil 7:23 - The Holy Bible In Alur (Lur) Revised Orthography

²³ Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

2 Samwil 7:23 ပူးပေါင်းရင်းမြစ်များ

2 Samwil 7:24

Man iketho dhanu peri Israel ginyang’ iri kara gibed ni dhanu iri mi nja; man in, Yehova, idoko Mungu migi.

I Lemkei 17:21

Man thek ma kani ma ni i ng’om ma calu dhanu peri Israel, ma Mungu cidho kara ewargi ire gire ni dhanu, kara iketh iri nying’ ku gin ma dit ma nyayu ndiri de, ku riem m’iriemo ko thek woko kud i wang’ dhanu peri, m’iwaru kud i ng’om Misiri?

Nehemia 1:10

Nie joni gi jutic peri man dhanu peri, m’iwaru ku tego peri ma dit, man ku cingi ma tek.

Zaburi 106:22

Tic mi musana i ng’om pa Ham, Man gin ma ng’oyo ndiri ba Nam Makwar,

Zaburi 111:9

Eoro war ba dhanu pare; Eng’olo lembariba pare mi nja: Nyinge leng’ man mi yung.

Zaburi 145:6

Man dhanu biweco pi tego mi tic peri ma ng’oyo ndiri; Man abiyero pi dwong’ peri.

Zaburi 147:20

Etimo kumeno ngo ni thek moko; Man pi lembapoka pare, ging’eyogi ngo. Wupak Yehova.

Zaburi 40:5

Tic ma wang’u ijo m’itimo gi dupa, E Yehova Mungu para, Man pidoic peri ma ni yor i bang’wa: Gicopo kwandri ngo kud i beng’i; Tek ayenyo ayer awec pigi, Gisagu ma jucopo kwanu.

Zaburi 44:3

Kum gimwonyo ng’om ungo ku pala mularu migi, Kadok botgi gigi de bodhogi en ungo; Ento cingi ma yor acwic, man boti, man der mi weng’i, Kum ibedo ku bero i kumgi.

Zaburi 65:5

Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Ai 12:12

Kum abikadhu kud i ng’om Misiri ku diewor maeno, man abigoyo kayu ceke m’i ng’om Misiri, dhanu ku lim; man abitimo lembapoka kum mungu ceke mi Misiri: an a Yehova.

Ai 33:16

Kum jubing’eyo ni kum ang’o nia anwang’u bero i weng’i, an ku dhanu peri? en e kum wacidho karacelo kudu ngo, ketho nia wakoira, waku dhanu peri, ni dhanu ceke ma gini i wang’ ng’omi?

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 9:15

Kum kuno di i nindo maeni arieyo cinga, man agoi ku dhanu peri ku thong’om, man kuno di jukebi woko kud i ng’om:

Ai 9:16

ento andha pi lembe maeni aketho icungo, kara anyuth iri tego para, man kara juyer pi nyinga i ng’om ngung’.

Yeremia 32:20

m’eketho giranyutha ku musana i ng’om Misiri, cil i ceng’ maeni, i Israel man i kind dhanu mange bende; man itimo iri nying’, calu i ceng’ maeni;

Yeremia 32:21

man i wodho dhanu peri Israel kud i ng’om Misiri ku giranyutha, man ku musana, man ku cing’ ma tek, ku bot m’arieya de, man ku ndiri ma dit;

Ezekiel 20:9

Ento atimo pi nyinga, kara kud ecidre i wang’ thek, ma gini i kindgi, m’ang’eira igi i wang’gi, kukelogi woko kud i ng’om Misiri.

Kitabu Mir Ang’wende Pa Musa Wel 6:27

Gibiketho nyinga kumeni wi nyithindho mir Israel; e abimio mugisa igi.

Juefeso 1:6

ni pak mi dwong’ mi berone, m’edhenyo bwom iwa i Jamer;

Poi Mi Cik 10:21

En e pak peri, man en e Mungu peri, m’utimo iri gin maeni ma dit ma ng’oyo ndiri de, ma weng’i Aeno.

Poi Mi Cik 15:15

Man ipoi nia naka in i ng’eca i ng’om Misiri, man Yehova Mungu peri weri; ka kumeno ang’olo gin maeni iri tin.

Poi Mi Cik 33:29

In i jamugisa, E Israel: Ng’a ma calu in, ma dhanu ma Yehova bodho, Ban mi kony peri, Man palamularu mi dwong’ peri! Man judegini bijwigri iri; Man ibinyono ka ma malu migi.

Poi Mi Cik 9:26

E arwo ni Yehova, man awacu kumae, E Rwoth Yehova, kud inyoth dhanu peri man aba peri m’iwaru ni kum dwong’ peri, m’iwodho kud i Misiri ku cing’ ma tek.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Yocuwa 7:9

Kum Jukanani ku ju m’ubedo i ng’om ceke gibiwinjo pire, man gibitiekowa gbur man gibithumo nyingwa woko kud i ng’om: e ibitimo ang’o pi nyingi ma dwong’i?

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,