2 Samwil 7:22 - The Holy Bible In Alur (Lur) Revised Orthography

²² Kum kumeno in i dwong’, E Yehova Mungu: kum moko mbe ma calu in, kadok mungu mange de mbe ndhu in kendi, calku gin ceke ma wawinjo ku ithwa.

2 Samwil 7:22 ပူးပေါင်းရင်းမြစ်များ

2 Samwil 22:32

Kum Mungu en e ng’a, ma ku Yehova ngo? Man ng’a ma cana, ma ku Mungu mwa ngo?

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

I Lemkei 16:25

Kum Yehova e dwong’, man maku jupake hai: Maku julwore bende ma sagu mungu ceke.

2 Lemkei 2:5

Man ot m’agomo e dit; kum Mungu mwa e dit ma sagu mungu ceke.

Zaburi 135:5

Kum ang’eyo nia Yehova e dit, Man nia Rwoth mwa eni i wi mungu ceke.

Zaburi 145:3

Yehova e dwong’, man maku jupake dit; Man dwong’ pare yenjre ngo.

Zaburi 44:1

Wawinjo ku ithwa, E Mungu, Kwaruwa giweco iwa, Pi tic m’itimo i nindo migi, I nindo ma con.

Zaburi 48:1

Yehova e dwong’, man e dit mir apaka, I adhura pa Mungu mwa, i got pare ma leng’.

Zaburi 86:10

Kum in i dwong’, man itimo gin ma wang’u ijo: In i Mungu i kendi.

Zaburi 86:8

Ng’atu moko mbe ma calu in i kind udul mungu, E Rwoth; Kadok tic moko de mbe ma calu tic peri.

Zaburi 89:6

Kum ng’a m’i polo ma jucopo poro ku Yehova? Ng’a ma kind wot ju ma tek ma calu Yehova,

Zaburi 89:8

E Yehova Mungu mir udul, Ng’a ma ng’atu ma tek, ma calu in, E Yehova? Man bedo mandha peri tieki gbur.

Zaburi 96:4

Kum Yehova e dwong’, man pak umake dit: Maku julwore ma sagu mungu ceke.

Ai 10:2

kara iyer i ith wodi, man i ith wod wodi, maram acayu ko Jumisiri, man giranyutha para m’atimo i kindgi; kara wung’ei nia an a Yehova.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Ai 8:10

E ewacu kumae, Urwo. Man ewacu kumae, Ebed calku lembe peri; kara ing’ei nia ng’atu moko mbe ma calu Yehova Mungu mwa.

Ai 8:6

E Harun urieyo cinge wi pi mi Misiri; man ungwal uidho, e giumo ng’om mi Misiri.

Ai 9:14

Kum i kinde maeni abioro masendi para ceke wi adundeni, man wi jutic peri, man wi dhanu peri; kara ing’ei nia ng’atu moko mbe i ng’om ngung’ ma calu an.

Isaya 40:18

Wubilund poro Mungu kud ang’o? kadi wubipore kud ayi ma nedi?

Isaya 40:25

Ka kumeno wubipora ku ng’a, ma nia abed rom kude? Ng’atu Maleng’ uwacu.

Isaya 45:18

Kum Yehova m’ucwio polo, Mungu m’ung’ino ng’om m’utime de, m’uketho ecungo m’ucwie de ni uvuru ngo, m’ung’ine kara jubed i ie, uwacu kumae: An a Yehova; man ng’atu mange mbe.

Isaya 45:22

Wunen bang’a, man wubothi, wu tung’ ng’om ceke; kum an a Mungu, man ng’atu mange mbe.

Isaya 45:5

An a Yehova, man ng’atu moko mange mbe; Mungu moko mbe m’umeda. Abitwio pieri, kadok fodi ing’eya ngo;

Ezekiel 36:22

Ka kumeno wac ni ot mir Israel kumae, Rwoth Yehova wacu kumae: Atimo maeni ni kumwu ngo, E ot mir Israel, ento kum nyinga ma leng’, ma wucido i kind thek, ka ma wucidho i ie.

Ezekiel 36:32

Atimo maeni ni kumwu ngo, Rwoth Yehova wacu, wung’ei maeni: lewic unegwu man cwinywu ng’abre kum yo mu, E ot mir Israel.

Daniel 2:45

Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Poi Mi Cik 3:24

E Rwoth Yehova, imaku nyutho dwong’ peri, ku cingi ma tek ni jatic peri: kum Mungu ma nedi m’i polo kadi m’i ng’om, ma copo timo calku tic peri, man calku tic peri ma teki?

Poi Mi Cik 32:39

Nen kawono nia an, cil an, an a en, Man mungu moko mbe ma wakude: Anego, man aketho cer; Atong’o lero, man acangu: Man ng’atu moko mbe ma copo bodho kud i cinga.

Poi Mi Cik 4:35

Junyutho maeni iri, kara ing’ei nia Yehova en e Mungu; mange mbe en e kende.

Poi Mi Cik 4:39

Ka kumeno ng’ei tin, man iketh adundeni i kume, nia Yehova en e Mungu ma malu i polo man ma piny i ng’om; mange mbe.

1 Samwil 2:2

Ng’atu moko mbe ma leng’ calu Yehova; Kum ng’atu moko mbe m’umedo in, Kadok cana moko de mbe ma calu Mungu mwa.