2 Samwil 7:14 - The Holy Bible In Alur (Lur) Revised Orthography

¹⁴ Abibedo won, man ebibedo woda: tek ekier, abigoye kud ukede mi dhanu, man ku goc mi nyithindho mi dhanu;

2 Samwil 7:14 ပူးပေါင်းရင်းမြစ်များ

1 Ubimo 11:34

Ento abikabu ker dho kud i cinge ngo; ento abikethe ni jatelwic i nindo ceke m’ecamu ie ng’om, ni kum Daudi ma jatic para m’agoyo wie, m’uworo lembang’ola para ku cik para;

1 Ubimo 9:6

Ento tek wubilokru cen kum luba, wun kadi nyithindho mu, man wuworo lembang’ola para ngo ku cik para m’aketho i weng’wu, ento wubicidho wubitimo ni mungu mange, man wurwo i bang’gi;

I Lemkei 17:13

Abibedo won, man ebibedo woda: e abikabu mer mi bero para woko kud i bang’e ngo, calu akabe ku ba ng’atu m’ular uwok iri;

I Lemkei 22:10

Ebigomo ot pi nyinga; man ebibedo woda, man abibedo won; e abiketho komker mi ker pare wi Israel mi nja.

I Lemkei 28:6

Man ewacu ira kumae, Suleman ma wodi, ebigomo ot para ma lelagang’ para; kum agoyo wie nia ebed woda, e abibedo won.

Kitabu Pa Yob 5:17

Nen, ng’atu ma Mungu juko en e jamutoro: Ka kumeno kud icai ponji pa Jategokpo.

Zaburi 2:7

Abiyero pi lembang’ola: Yehova wacu ira kumae, In i woda; Tin anyoli.

Yeremia 30:11

Kum wanuti wakudi, Yehova wacu, mi bodhi: kum abijigo wi thek ceke m’aleli i ie, ento abijigo wii ma gwei ungo; ento abiponji ku pokolembe, man abiweki ki ngo ma ponji mbe.

Matayo 3:17

man nen, dwal uai i polo, uwacu kumae, Meni Woda ma jamerna, ma mutoro nega i kume.

1 Jukorinto 11:32

Ento ka jupoko lembe mwa, e Rwoth ponjowa, kara ku jubin jupok lembe mwa rac karacelo ku ng’om;

2 Jukorinto 6:18

Man abibedo iwu ni Wego, Man wubibedo ira ni wota ku nyiga, Rwoth ma Jategokpo wacu.

Poi Mi Cik 8:5

Man pid i adundeni, nia, calu dhanu ponjo wode, e Yehova Mungu peri ponji kumeca.

Juebrania 1:5

Kum ni malaika makani m’eyero ire kumae, i nindo moko, In i Woda, I ceng’ maeni anyoli? man kendo, Abibedo ire ni Wego, Man ebibedo ira ni Wodo?

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.

Lembanyutha 3:19

Ku ba ju m’amaru ceke, ajukogi man aponjogi: ka kumeno bed k’amora, man ilok cwinyi.