2 Samwil 7:10 - The Holy Bible In Alur (Lur) Revised Orthography

¹⁰ Man abiketho kaka ni dhanu para Israel man abipidhogi, kara gibed i kakagi ma dhe, man gibidak kendo ngo; kadok nyithindho ma juco de gibisendo gi kendo ngo, calu ma kwong’a,

2 Samwil 7:10 ပူးပေါင်းရင်းမြစ်များ

2 Ubimo 21:8

kadok tiend Israel de abiketho wi woth kendo ngo kud i ng’om m’amio ni kwaru migi, tek gibiketho cwinygi kum timo calku gin ceke m’ang’olo igi kende, man calku cik ceke ma jatic para ma Musa ng’olo igi.

I Lemkei 17:9

Man abiketho kaka pi dhanu para Israel, e abipidhogi, kara gibed i ka migi ma dhe, man kara ku judakgi kendo; kadok nyithindho mi dubo de gibinyothogi kendo ngo, calu ma kwong’a,

2 Lemkei 33:8

kadi abidaku tiend Israel kendo ngo kud i ng’om m’aketho pi kwaru mu, tek gibiketho ewinygi kum timo gin ceke m’ang’olo igi kende, en e cik ceke ku lembang’ola ku lembapoka m’umire ni kum Musa.

Zaburi 44:2

Iriemo thek woko ku cingi; Ento gin re ipidhogi: Isendo kodhidhanu; Ento gin imoyogi mba mba.

Zaburi 44:4

In i Ubimo para, E Mungu: Ng’ol both ni Yakobo.

Zaburi 80:8

Iwodho ulok kud i Misiri: Iriemo thek woko, man ipidhe.

Zaburi 80:9

Iyiko ng’om i wang’e, Man ulage nyang’ hai, man epong’o ng’om.

Ai 1:22

Man Farao ng’olo ni dhanu pare ceke, ewacu kumae, Ku ba nyithindho ma co ceke ma junyolo wubibologi i kulo, man ku ba nyithindho ma nyir ceke wubiweko gibedo kwo.

Ai 15:17

Ibiroyogi, man ibipidhogi wi got mir aba peri, Ka m’itimo iri kara ibed i ie, E Yehova, Kamaleng’, E Rwoth, ma cingi ketho.

Isaya 5:2

man efure, ecoko kidi de kud i ie, man epidhe ku yendulok ma cu, e egomo odtra i diere, e eroko kabipigulok bende i ie: man egeno nia ebiwodho nyingulok, e ecego nyingulok m’i thim.

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Isaya 60:18

Jubiwinjo pi rop kendo ngo i ng’om peri, kadi uvuru kadi nyoth yor i kieu peri; ento ibilwong’o gang’kidi peri Both, man dhugang’ peri Pak.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Yeremia 18:9

Man i kinde m’abiyero pi thek, man pi ker, ya jugom man jupidhe;

Yeremia 24:6

Kum abiketho wang’a i kumgi pi lem ma ber, e abikelogi kendo i ng’om maeni: man abigurogi, e abiredhogi piny kendo ngo; man abipidhogi, e abifudhogi ngo.

Ezekiel 28:24

Man ukudho ma cobo bibedo mbe kendo ni ot mir Israel, kadi ukudho ma remo kum mi jumoko m’utiekogi gbur, ma timo rop i kumgi; e gibing’eyo nia an a Rwoth Yehova.

Hoseya 2:18

Man i ceng’ maeca abitimo lembariba igi ku yedi m’i thim, man ku winyo m’i polo, man ku gin ma lak i ng’om: man abituro atum ku palamularu ku lwiny kud i ng’om, man abiketho givuto piny museme.

Amos 9:15

E abipidhogi wi ng’om migi, man jubikabugi kendo ngo kud i ng’om migi m’amio igi, Yehova Mungu peri wacu.

Lembanyutha 21:4

man ebiyweyo piwang’ pet kud i wang’gi; man tho bibedo nuti i kendo ngo; kadok can, kadi ywak, kadok remokum de bibedo nuti kendo ngo: gin i ma kwong’a daru kadhu.

Jupoklembe 4:3

E nyithindho mir Israel ulwong’o Yehova: kum ebedo ku magali mi nyunyu dak abung’wen; man esendo nyithindho mir Israel dit mi rundi pier ario.

1 Samwil 13:17

Man junyothng’om giai kud i gonjo mi Jufilisti ni ungu adek: ungu acel ulokre i yo m’ucidho Ofra, ba ng’om mi Cual;