2 Samwil 6:2 - The Holy Bible In Alur (Lur) Revised Orthography

² Man Daudi ai, man gicidho giku dhanu ceke ma gini kude, kud i Bale-yuda, kara giter sanduk pa Mungu malu kukeca ma julwong’e ku Nying’, en e nying’ Yehova mir udul m’ubedo wi kerubi.

2 Samwil 6:2 ပူးပေါင်းရင်းမြစ်များ

2 Samwil 22:11

Man ewotho ku wi kerubi, man elwadhu ku bombe; Eyo, junene wi bomb yamu.

Zaburi 80:1

Cik ithi, E Jakwac mir Israel, In m’itelo wi Yusuf calu udul rombe; In m’ibedo malu wi kerubi, irieny.

Zaburi 99:1

Yehova bimo: wek kum kodhidhanu miel: Ebedo malu wi kerubi; wek ng’om uyengre.

Isaya 47:4

Jawar mwa, nyinge Yehova mir udul, Ng’atu Maleng’ mir Israel.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Yocuwa 15:60

Kiriath-bal (ma en e Kiriath-jearim), man Raba; adhura ario ku pacune de.

1 Petro 1:12

M’unyuthre igi, nia igi gigi ngo, ento iwu, gitimo gin maeni, ma kawono uyere iwu ni kum ju ma giyero iwu lembanyong’a ma juboth ko ku Tipo Maleng’ ma juore kud i polo; ma malaika giyenyo ging’i i ginde.

1 Samwil 4:4

Kum kumeno dhanu gioro kwenda i Cilo; man gigamu sanduk mi lembariba pa Yehova mir udul ku kuca, m’ubedo wi kerubi: man wot Eli ario, gi Hofni ku Finehaz, gini keca karacelo ku sanduk mi lembariba pa Mungu.

1 Samwil 6:21

Man gioro jukwenda ba ju m’ubedo i Kiriath-yearim, giwacu kumae, Jufilisti gidwoko sanduk pa Yehova; wulor piny, man wutere i beng’wu malu.

1 Samwil 7:1

E dhanu m’i Kiriath-yearim gibino, man gitero sanduk pa Yehova malu, man gitere i ot pa Abinadab wi ungulu got, man gidwoko Eleazar ma wode leng’ kara egwok sanduk pa Yehova.