2 Samwil 6:16 - The Holy Bible In Alur (Lur) Revised Orthography

¹⁶ Man ebedo kumeno, kinde ma sanduk pa Yehova tundo i adhura pa Daudi, nia Mikal ma nya Saul uneno yo woko ku wang’ot, man eneno ubimo ma Daudi bepor malu man ebemiel i wang’ Yehova: e ecaye ku yor i adundene.

2 Samwil 6:16 ပူးပေါင်းရင်းမြစ်များ

2 Samwil 3:14

Man Daudi oro jukwenda ba Ic-boceth, ma wod Saul, ewacu kumae, Mi ira dhaku para Mikal, m’anyomo ira ku dendkum m’i kendi mi Jufilisti dak acel.

2 Samwil 5:7

Ento Daudi maku ka ma tek ma Sayuni; ma en e adhura pa Daudi.

2 Samwil 6:15

Kum kumeno Daudi ku ot mir Israel ceke gikelo sanduk pa Yehova malu ku muzira, man ku bang’ agwara.

2 Samwil 6:20

Daudi lund udwogo kara emi mugisa ni juode. Man Mikal ma nya Saul uwok woko kara eromb ku Daudi, man ewacu kumae, Ane ka ba dwong’ mir ubimo mir Israel tin, m’uwanjre tin i wang’ bong’ mi jutic pare calu ng’atu moko ma kind dhanu ma s ai wanjre ma lewic umbe!

I Lemkei 15:29

Man etimbre, kinde ma sanduk mi lembariba pa Yehova bino bang’ adhura pa Daudi, nia Mikal ma nya Saul uneno woko ku wang’ot, man eneno ubimo ma Daudi bemiel man ebetuko; e ecaye ku yor i adundene.

Zaburi 123:3

Bed ku kisa i kumwa, E Yehova, bed ku kisa i kumwa; Kum cac ma dit ni i wiwa.

Zaburi 69:7

Kum ayeyo cac ni kumi; Lewic uumo wang’a.

Isaya 53:3

Dhanu caye, man gikwere; en e dhanu mi can, man eng’io ku masendi: man jucaye calu ng’atu ma dhanu panu wang’gi ni kume; e wakwane ni gin moko ngo.

Tic Mi Jukwenda 2:13

Ento jumange giyero ku cac kumae, Pigulok ma nyasa merogi en.

1 Jukorinto 2:14

Nie ng’atu ma mi kum ejolo gin mi Tipo Mungu ngo: kum gibedo ni lemkasegu ire; man ecopo ng’eyogi ngo, kum jung’iogi ku tipo.

1 Samwil 18:17

E Saul uwacu ni Daudi kumae, Nen, nyara ma jadit ma Merab, abimie iri ni dhaku: endre ibed jakero ira, man ikied lwiny pa Yehova. Kum Saul uwacu kumae, Cinga kud ubed i wie, ento wek cing’ Jufilisti ubed i wie.

1 Samwil 18:20

Man Mikal, ma nya Saul, umaru Daudi: e giyero ni Saul, man lembene nyayu mutoro i ie.