2 Samwil 5:2 - The Holy Bible In Alur (Lur) Revised Orthography

² I nindo ma con, kinde ma Saul en e ubimo i wiwa, en e in m’utelo wi Israel woko ku dwogo de: e Yehova wacu iri kumae, Ibibedo jakwac ni dhanu para Israel, man ibibedo jatelwic wi Israel.

2 Samwil 5:2 ပူးပေါင်းရင်းမြစ်များ

Thangambere 49:24

Ento atum pare bedo i tego, Man bot mi cinge, judwoko tek, Ku cing’ Ng’atu Matek pa Yakobo (Jakwac uai keca, en e kidi mir Israel),

2 Samwil 6:21

Man Daudi wacu ni Mikal kumae, En e i wang’ Yehova, m’ugoyo wia ma sagu wuru, man ma sagu ot pare ceke, kara eketha ni jaditmawijo wi dhanu pa Yehova, wi Israel: ka kumeno abituko i wang’ Yehova.

2 Samwil 7:7

Man i ka ceke m’awotho ie ku nyithindho mir Israel ceke, ayero lembe moko ku suru mir Israel moko, m’ang’olo ya ubed jakwac mi dhanu para Israel, awacu kumae, Nedi wugomo ira ot mi yen musonge ngo?

2 Samwil 7:8

Ka kumeno kawono ibiwacu ni Daudi ma jatic para kumae, Yehova mir udul uwacu kumae, Agemi kud i kwac mi rombe, ku lubo rombe, kara idok jatelwic wi dhanu para, wi Israel;

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

I Lemkei 11:2

I nindo m’ukadhu, cil ka Saul ubedo ubimo, en e in m’utelo wi Israel man m’udwokogi de; man Yehova Mungu peri wacu iri kumae, Ibibedo jakwac mi dhanu para Israel, man ibibedo jatelwic wi dhanu para Israel.

2 Lemkei 1:10

Kawono mi ira rieko ku ng’eyong’ec, kara awok woko amond de i wang’ dhanu maeni; kum ng’a ma copo poko lembe ni dhanu peri maeni, ma en e dit kumeni?

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Ezekiel 34:23

Man abiketho jakwac acel i wigi, e e’oikakugi ku cam, en e jatic para ma Daudi; ebikakugi ku cemo, man ebibedo jakwac migi.

Mika 5:4

Man ebicungo e ebikwayu udul pare ku tego pa Yehova, ku dwong’ mi nying’ Yehova Mungu pare: e gibibedo; kum kawono ebibedo dit cil i tung’ng’om.

Kitabu Mir Ang’wende Pa Musa Wel 27:17

ma biwok woko i wang’gi, ma bimondo i wang’gi de, ma bitelo wigi woko, man ma bikelogi i ie; kara udul pa Yehova kud ubed calu rombe ma jakwacne mbe.

Matayo 2:6

In i Beth-lehem, ng’om pa Yuda, In i nok ki ngo i kind juker pa Yuda: Kum jabim biai i beng’i, M’ebibedo jakwac mi dhanu para Israel.

Yohana 10:11

An a jakwac ma ber: jakwac ma ber mio kwo pare pi rombe.

Juebrania 2:10

Kum emake, ma gin ceke gi pire, ma gin ceke de wok ni kume, i kelo m’ekelo ko wot dupa i dwong’ ya eketh won both migi dok ndhu cu ni kum sendri.

1 Samwil 13:14

Ento kawono ker peri bicungo ngo: kum Yehova yenyo ng’atu ma nyayu mutoro i adundene, man Yehova uketho ebed jaditmawijo wi dhanu pare, kum iworo lembe ma Yehova ng’olo iri ngo.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 18:13

Ka kumeno Saul ucore cen kud i kume, man ekethe ni jego pare wi rubanga; man ewok woko emondo de i wang’ dhanu.

1 Samwil 18:16

Ento Israel ceke ku Yuda de gimaru Daudi; kum ewok woko man emondo i wang’gi.

1 Samwil 18:5

Man Daudi cidho ka ma tek Saul uore, man etimbre gire ku rieko: man Saul ukethe wi dhanu mir ali, man ebedo ber i wang’ dhanu ceke, man i wang’ jutic pa Saul bende.

1 Samwil 25:28

Akwei, wek kier pa bong’ peri: kum Yehova bitimo ot ma tek ni rwoth para andha, kum rwoth para kiedo lwiny pa Yehova; man jubinwang’u dubo ngo i beng’i i ceng’ peri ceke.

1 Samwil 25:30

Man ebitimbre, kinde ma Yehova daru timo ni rwoth para calu gin ma ber ceke m’eyero pire, man edaru kethi ni jaditmawijo wi Israel,

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.