2 Samwil 3:39 - The Holy Bible In Alur (Lur) Revised Orthography

³⁹ Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

2 Samwil 3:39 ပူးပေါင်းရင်းမြစ်များ

2 Samwil 16:10

Man ubimo wacu kumae, Wabedo ku lembang’o wakudu, wu wot Zeruia? Kum elamu, man kum Yehova wacu ire kumae, Lam Daudi; ng’a ma bilund wacu kumae, Nedi itimo kumeno?

2 Samwil 19:13

Man wuwac ni Amasa kumae, In i cogona ku ring’kuma ngo? Mungu tim kumeno i kuma, man mange bende, tek ibedo jego mir udul ungo i wang’a thiri thiri i ka Yoab.

2 Samwil 19:22

E Daudi wacu kumae, Wabedo ku lembang’o wakudu, wu wot Zeruia, ma nia wubed judegina tini? jubiketho ng’atu moko tho tin i kind Israeli? kum ang’eyo ngo tin nia an a ubimo wi Israeli?

2 Samwil 3:38

Man ubimo wacu ni jutic pare kumae, Wung’eyo ngo nia jaditmawijo man ng’atu ma dwong’ upodho i ceng’ maeni i Israeli?

1 Ubimo 2:32

Man Yehova bidwoko rimo pare i wie gire, kum epodho wi dhanu ario ma pwe man ma ber ma sagu en, man enegogi ku palamularu, man Daudi ma vwa ng’eyo ngo, en e Abner ma wod Ner, ma jego mir udul mir Israel, kud Amasa ma wod Yether, ma jego mir udul pa Yuda.

1 Ubimo 2:9

Ka kumeno kawono kud ikwane ma dubo mbe kude, kum in i ng’atu ma riek; man ibing’eyo gin ma maku itim i kume, man ibitero wie ma ku lwar piny i liel ku rimo.

I Lemkei 22:5

E Daudi wacu kumae, Suleman ma woda en e aradu man e tek ungo, man ot ma jubigomo ni Yehova maku ebed ber hai, mi pak man mi yung i ng’om ceke ndri ndri: ka kumeno abiyiko piny m’akana pire. Kum kumeno Daudi yiko piny m’akana dupa ma fodi k’etho ngo.

I Lemkei 29:1

Man Daudi m’ubimo wacu ni cokri ceke kumae, Suleman ma woda, ma Mungu goyo wie en e kende, fodi en e aradu man e tek ungo, man tic en e dit; kum ot ma tekne en e mi dhanu ngo, ento pa Yehova Mungu.

2 Lemkei 13:7

Man jucoko dhanu ma kitgi mbe i bang’e, dhanu ma rac, ma gitegri gigi kum Rehoboam ma wod Suleman kinde ma Rehoboam ubedo aradu man cwinye tek ungo, man ecopo cere ngo igi.

Zaburi 101:8

Ku ba rupiny ku ba rupiny abinyotho judubo ceke mi ng’om; Kara akab jutim kier ceke woko ku bang’ adhura pa Yehova.

Zaburi 28:4

Mi igi calu tic migi, man calku dubo mi giratima migi: Mi igi calku tic mi cing’gi; Cul igi calu m’uromo kugi.

Zaburi 62:12

E Rwoth, mer mi bero bende en e peri; Kum imio ni dhanu ceke kubang’gi kubang’gi ng’atuman calku tic pare.

Zaburi 7:16

Kier pare bidwogo i wie gire, Man rop pare biloro piny i wie gire.

Zaburi 75:10

Abithumo tung ceke mi judubo woko bende; Ento tung mi weg bedopwe bitingre malu.

Ai 21:12

Ng’atu m’ugoyo dhanu, m’uketho etho, en de jubinege andha.

Lembrieko 20:8

Ubimo ma bedo wi komker mi pokolembe Eketho lem ma rac ceke cen ku wang’e.

Lembrieko 25:5

Kab judubo woko kud i wang’ ubimo, Man komker pare bicungo i bedopwe.

Isaya 3:11

Can wi jadubo! lembe bibedo rac ire; kum gin ma cinge timo bicule ire.

Isaya 7:4

man iwac ire kumae, Bed ku weng’i, man ibed yo; lworo kud unegi, kadok cwinyi de kud uvoci, kum yib ario maeni mi dhumac ma dunyo yiro, kum ng’ecwiny ma lake tek pa Rezin man Cami, man pa wod Remalia.

Yeremia 38:5

E Zedekia m’ubimo wacu kumae, Nen, eni i cingwu; kum ubimo en e ng’atu ma copo timo gin moko ngo i kumwu.

Daniel 6:16

E ubimo lund ung’olo, man jukelo Daniel, e gibole i odumvor. Nie ubimo yero man ewacu ni Daniel kumae, Mungu peri m’itimo ire thiri thiri, ebibodhi.

Kitabu Mir Ang’wende Pa Musa Wel 32:23

Ento tek wubitimo kumeni ngo, nen, wudubo ni Yehova; man wung’ei andha nia dubo mu binwang’uwu.

Jurumi 13:4

kum en e jatim pa Mungu iri pi bero. Ento tek itimo maeno m’e rac, dong’ lworo negi; kum eyeyo palamularu ngo ma there mbe: kum en e jatim pa Mungu, en e jaculkwor pi kwinyo ni ng’atu m’utimo rac.

2 Timoteo 4:14

Iskander ma jathiedh nyunyu etima rac dit: Rwoth bimio ire rom ku tic pare:

Jupoklembe 9:57

E dubo ceke mi dhanu m’i Cekem Mungu culo i wigi: man kwong’ pa Yotham ma wod Yerubal upodho i wigi.