2 Samwil 3:31 - The Holy Bible In Alur (Lur) Revised Orthography
31 Man Daudi wacu ni Yoab, ku dhanu ceke ma gini kude kumae, Wuyec kendi mu, man wutwi gonia, wuywak de i wang’ Abner. E ubimo ma Daudi lubo tok kika mir avu.
etimbre i ceng’ mir adege, nia, nen, ng’atu acel uai ba Saul i kagonjo, ku kendi pare m’uyec, man ku ng’om i wie: man ebedo kumeno, kinde m’ebino ba Daudi, nia epodho i ng’om, man erwo.
Man jutic pare wacu ire kumae, Kawono nen, wawinjo nia ubimo mi ot mir Israel gin ubimo ma weg kisa: wakwei, wek watwi pierwa ku gonia, ku uno i wiwa, man waci woko bang’ ubimo mir Israel: kuno nyo ebibodho kwo peri.
E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.
Man etimbre, kan enene, nia eyeco kendi pare, man ewacu kumae, Akayo, nyara! ijwiga hai, man in acel m’i kind ju m’ung’abu cwinya; kum ayabu dhoga ni Yehova, man acopo dok cen ungo.