2 Samwil 3:16 - The Holy Bible In Alur (Lur) Revised Orthography

¹⁶ E cware gicidho gikude, m’ewotho ku ywak, man elubo toke cil ba Bahurim. Abner ulund uwacu ire kumae, Cidhi, doki: e edok.

2 Samwil 3:16 ပူးပေါင်းရင်းမြစ်များ

2 Samwil 16:5

Man kinde m’ubimo Daudi bino Bahurim, nen, ng’atu acel m’i ot pa Saul, ma nyinge Cimei, ma wod Gera, ewok woko ku keca; ewok woko, man ewotho ku yanyu ayany.

2 Samwil 17:18

Ento nyathi nico nenogi, man eyero ni Absalom: man gicidho gin ario pio pio, e gibino ba ot mi dhanu i Bahurim, m’ubedo ku pi m’atong’a i lela pare; e giloro piny kuca.

2 Samwil 19:16

Man Cimei ma wod Gera, ma Jabenyamini, dhanu ma Bahurim, etimo pio man eloro piny ku dhanu pa Yuda kara eromb kud ubimo ma Daudi.

2 Samwil 19:17

Man dhanu rubanga acel pa Benyamin gini kude, ku Ziba ma jatic mi ot pa Saul, ku wote apar wi abic man jutic pare pier ario karacelo kude; e gikadhu kud i Yordan i vut ubimo.

2 Samwil 23:31

man Abi-albon man Jaarbathi, man Azmaveth ma Jabarhumi

2 Samwil 3:15

Man Ic-boceth uoro, man egame ku ba cware, en e ba Paltiel ma wod Laie.

1 Ubimo 2:8

Man, nen, Cimei ma wod Gera, ma Jabenyamini, ma Bahurim, ni kudi, m’elama ku lam ma rac i ceng’ m’acidho Mahanaim; ento eloro piny kara eromb kuda i Yordan, man akwong’o ire ku Yehova, awacu kumae, Abinegi ku palamularu ngo.

Yeremia 41:6

Man Icmael ma wod Nethania uwok woko kud i Mizpa kara giromb kugi, m’ewotho ku ywak kan ebecidho: man etimbre, kinde m’erombo kugi, ewacu igi kumae, Wubin ba Gedalia ma wod Ahikam.