2 Samwil 3:10 - The Holy Bible In Alur (Lur) Revised Orthography

¹⁰ ya alok ker kud i ot pa Saul, man ating’ komker pa Daudi wi Israel man wi Yuda, ugambre Dan cil kum Ber-ceba.

2 Samwil 3:10 ပူးပေါင်းရင်းမြစ်များ

2 Samwil 17:11

Ento aporo lembe nia Israel ceke jucok karacelo i beng’i, ugambre Dan cil kum Ber-ceba, calu kwio ma dhu nam ni udul; man nia icidh in ku kiti i lwiny.

2 Samwil 24:2

E ubimo wacu ni Yoab ma jego mir udul, ma gini kude, Wucidh kawono kun ku kun kind suru ceke mir Israel, ugambre Dan cil kum Ber-ceba, man wukwan dhanu, kara ang’ei wel dhanu.

2 Samwil 3:11

Man ecopo loko lembe ngo kendo bang’ Abner, kum lworo nege i kume.

2 Samwil 3:21

Man Abner uwacu ni Daudi kumae, Abiai abicidho, man abicoko Israel ceke ba rwoth para m’ubimo, kara wutim lembariba wukugi, man kara ibim wi dhanu ceke ma ng’eyongec peri yenyo. Man Daudi ciko Abner; e ecidho ma cwinye kwio.

1 Ubimo 4:25

Man Yuda kud Israel gibedo museme, ku ba dhanu ceke ng’atuman the yendulok pare man the yendubolo pare, ugambre Dan cil kum Ber-ceba, i nindo ceke pa Suleman.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.

1 Samwil 15:28

Man Samwil uwacu ire kumae, Yehova yeco ker mir Israel kud i beng’i tinuni, man emie ni jadhugola peri, m’e ber ma segi.

1 Samwil 28:17

Man Yehova timo i beng’i, calu eyero kud i dhoga: man Yehova yeco ker kud i cingi, emie de ni jadhugola peri, en e ni Daudi.

1 Samwil 3:20

Man Israel ceke ugambre Dan cil Ber-ceba ging’eyo nia juketho Samwil ubed jabila pa Yehova.