2 Samwil 24:2 - The Holy Bible In Alur (Lur) Revised Orthography

² E ubimo wacu ni Yoab ma jego mir udul, ma gini kude, Wucidh kawono kun ku kun kind suru ceke mir Israel, ugambre Dan cil kum Ber-ceba, man wukwan dhanu, kara ang’ei wel dhanu.

2 Samwil 24:2 ပူးပေါင်းရင်းမြစ်များ

Thangambere 21:14

Man Ibrahim uai malu pir kugweno, e egamu kwen ku cupa mi pi, man emie ni Hagar, ekethe wi goke de man emio nyathin ire, e eketho ecidho: man eai, man ewotho i yamba mi Ber-ceba.

2 Samwil 17:11

Ento aporo lembe nia Israel ceke jucok karacelo i beng’i, ugambre Dan cil kum Ber-ceba, calu kwio ma dhu nam ni udul; man nia icidh in ku kiti i lwiny.

2 Samwil 2:13

Man Yoab ma wod Zeruia, ku jutic pa Daudi, gicidho, man girombo kugi dhu kut mi Gibeon; e gibedo piny, jukurucel i ng’et kut kurucel, jukurucel de i ng’et kut kurucel.

2 Samwil 20:23

Nie Yoab ni wi udul mir Israel ceke; man Benaya ma wod Yehoiada ni wi Jukerethi man wi Jupelethi;

2 Samwil 23:37

man Zelek ma Jaamoni, man Naharai ma Jaberothi, gi juyei jamtho pa Yoab ma wod Zeruia,

2 Samwil 24:15

Kum kumeno Yehova oro thong’om wi Israel ugambre kugweno cil kum nindo ma jung’olo; man Idnd dhanu tho ugambre Dan cil kum Ber-ceba dhanu rubanga pier abiro.

2 Samwil 3:10

ya alok ker kud i ot pa Saul, man ating’ komker pa Daudi wi Israel man wi Yuda, ugambre Dan cil kum Ber-ceba.

2 Samwil 8:16

Man Yoab ma wod Zeruia ebedo wi udul; man Yehocafat ma wod Ahilud en e jagorlemkei;

I Lemkei 21:2

Man Daudi wacu ni Yoab man ni judongomawijo mi dhanu kumae, Wucidh, wukwan Israel ugambre Ber-ceba cil kum Dan: man wudwok lembene ira, kara ang’ei welgi.

2 Lemkei 32:31

Ento i lembe mi jukwenda mi judongomawijo mi Babeli, m’uoro kwenda i bang’e kara gipenj pi gin ma wang’uijo m’utimbre i ng’om, Mungu weke, kara emul ie, kara eng’ei gin ceke ma ni i adundene.

Lembrieko 29:23

Kuhaya mi dhanu bijwige; Ento ng’atu ma cwinye mol binwang’u yung.

Yeremia 17:5

Yehova wacu kumae: Kwong’ ni wi ng’atu m’ugeno dhanu, man m’uketho ring’kum ni bote, man ma cwinye ai ku ba Yehova.

2 Jukorinto 12:7

Man kara kud atingra malu ma sagu ni kum giranyutha ma dit apila, ukudho ma i ring’kum umire ira, jakwenda pa Jok kara epada, kara kud atingra ma sagu.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.