2 Samwil 24:10 - The Holy Bible In Alur (Lur) Revised Orthography

¹⁰ E adunde Daudi goye yo ng’ei kwanu dhanu m’ekwanu. Man Daudi wacu ni Yehova kumae, Adubo dit kum gin maeni m’atimo: ento kawono, E Yehova, akwei, cor kier pa jatic peri cen; kum atirtio kasegu dit.

2 Samwil 24:10 ပူးပေါင်းရင်းမြစ်များ

2 Samwil 12:13

E Daudi wacu ni Nathan kumae, Adubo ni Yehova. Man Nathan uwacu ni Daudi kumae, Yehova bende ketho dubo peri cen; ibitho ngo.

2 Samwil 24:17

E Daudi wacu ni Yehova kinde m’eneno malaika m’ugoyo dhanu, man ewacu kumae, Nen, adubo, man akier; ento rombe maeni, gitimo ang’o? akwei, wek cingi bed i wia, man wi ot pa vwa.

1 Ubimo 8:35

Kinde ma polo kang’, man koth umbe, kum gidubo iri; tek girwo yo ba ka maeni, man gituco nyingi, gilokri de ni dubo migi, kinde m’ipcnjogi:

I Lemkei 21:7

Man gin maeni bedo rac i wang’ Mungu: ka kumeno egoyo Israel.

I Lemkei 21:8

Man Daudi wacu ni Mungu kumae, Adubo dit, kum atimo gin maeni: ento kawono, akwei, cor dubo pa jatic peri cen; kum atimo kasegu dit.

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

2 Lemkei 32:26

Ento Hezekia jwigre gire kum kuhaya mir adundene, en ku dhanu m’ubedo i Yerusalem bende, ketho nia kwinyo pa Yehova bino i kumgi ngo i nindo pa Hezekia.

Kitabu Pa Yob 7:21

Man nedi iweko gondri para woko ngo, man ikab kier para woko? Kum kawono abivuto piny i utur; Man ibiyenya kud amora, ento abibedo mbe.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Ai 10:16

E Farao hvong’o Musa giku Harun pio: man ewacu kumae, Adubo ni Yehova Mungu mu, man iwu.

Lembrieko 28:13

Ng’atu ma umo kier pare lembe pare bibedo miero ngo; Ento ng’atu ma tek utuco man ewekogi ebinwang’u kisa.

Hoseya 14:2

Wugam lembe wucidh kudo, man wudwog ba Yehova: wuwac ire kumae, Kab kier ceke woko, man ijol gin ma ber: e wabithiero lam mi dendhogwa calu lam mi thwoni dhiang’.

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Kitabu Mir Ang’wende Pa Musa Wel 12:11

E Harun uwacu ni Musa kumae. A, rwoth para, akwei, kud iketh dubo i wiwa, kum watimo lemkasegu, man kum wadubo.

Marko 7:22

ku ketho cwiny hai kum piny, ku camuco, kud abombi, kud awanya ma rac, ku wang’ ma rac, ku cayucac, kud ahaye, man lemkasegu:

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 8:9

E gin, ka giwinjo lembe maeni, giwok woko acel acel uthekre kum jadit, cil kum m’udong’ cen: man Yesu dong’ kende, ku dhaku, ma ni i diere.

Poi Mi Cik 32:6

Wudwoko ni Yehova kumeno, E wu dhanu mi kasegu man m’umbe ku rieko? En e wuru ngo m’ung’iewi? Etimi, man eketho inyang’.

Tito 3:3

Kum wan bende naka wa jukusegu, wa juco, juwondowa de, ma watimo ni awanya ma rac ku mutoro ma kwonde tung’ tung’, wabedo de kud akece ku kumira, wabedo kud adegi, man wadagra.

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.

1 Samwil 13:13

Man Samwil uwacu ni Saul kumae, Itimo ma rieko mbe; iworo lembang’ola pa Yehova Mungu peri m’eng’olo iri ngo: kum nwang’u kuno di Yehova dwoko ker peri tek mi nja wi Israel.

1 Samwil 24:5

Man etimbre yo ku ng’eye, nia cwiny Daudi pido, kum ethumo dhu kendi pa Saul.

1 Samwil 24:6

Man ewacu ni dhanu pare kumae, Yehova kwer nia kud atim gin maeni kum rwoth para, ma ng’atu ma Yehova wiro, ya aketh cinga i kume, kum en e ng’atu ma Yehova wiro.

1 Samwil 26:21

Saul ulund uwacu kumae, Adubo: dwogi, woda Daudi; kum abitimi rac kendo ngo kum pi kwo para bedo tek i weng’i tin: nen, atimo calu adhura, e akier apila.