2 Samwil 24:1 - The Holy Bible In Alur (Lur) Revised Orthography

¹ E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

2 Samwil 24:1 ပူးပေါင်းရင်းမြစ်များ

Thangambere 45:5

Man kawono can kud unegwu, kadi ng’ecwiny de kud unegwu i kumwu giwu, nia wung’iewa keni: kum Mungu ora i weng’wu kara agwok kwo.

Thangambere 50:20

Man wun, wupido lembe rac i kuma; ento Mungu pido lembene mi ber, kara uketh etimbre, calu ebedo i ceng’ maeni, kara ubodh dhanu dupa gibed kwo.

2 Samwil 12:11

Yehova wacu kumae, Nen abiting’o lem ma rac i kumi kud i ot peri giri; man abigamu mon peri kud i weng’i, e abimiogi ni jadhugola peri, e ebivuto ku mon peri i wang’ ceng’ maeni.

2 Samwil 16:10

Man ubimo wacu kumae, Wabedo ku lembang’o wakudu, wu wot Zeruia? Kum elamu, man kum Yehova wacu ire kumae, Lam Daudi; ng’a ma bilund wacu kumae, Nedi itimo kumeno?

2 Ubimo 3:6

Man ubimo ma Yehoram uai woko kud i Samaria i nindo maeca, man ecoko Israel ceke.

I Lemkei 21:1

Man Jok ucungo wi Israel, man eting’o cwiny Daudi ya ekwan Israel.

I Lemkei 7:2

Man wot Tola gi eni: Uzi, man Refaya, man Yeriel, man Yamai, man Ibsam, man Cemuel, gi wi udi pa weggi, lembene kumae, pa Tola; dhanu ma tek ma jurukara i dhanum’utuk migi: welgi i nindo pa Daudi en e rubanga pier ario wi ario man dak abusiel.

I Lemkei 7:40

Maeni ceke gi nyithindho pa Acer, gi wi udi pa weggi, ma gi dhanu ma cu man ma tek mi kero, weg tego i kind judongomawijo. Man welgi ma jukwanu ku thekwaru mi tic mir ali gi dhanu rubanga pier ario wi abusiel.

2 Lemkei 32:25

Ento Hezekia timo kendo ngo calku kony m’utimbre ire; kum adundene tingre malu: ka kumeno kwinyo ni i wie, man wi Yuda ku Yerusalem.

Ai 7:3

Man abidwoko adunde rarao nwang’, man abimedo giranyutha para Jeu musana para i ng’om Misiri.

Ezekiel 14:9

Man tek jubombo jabilane man eyero lembe, an a Yehova, abombo jabila maeno, man abirieyo cinga i kume, man abinyothe kud i kind dhanu para Israel.

Ezekiel 20:25

Mange ke amio igi cik bende ma ber ungo, man lembapoka ma maku ku gibed kwo i ie;

Lembe Mi Julawi 10:6

E Musa wacu ni Haran, man ni Eleazar, man ni Ithamar, ma wote kumae, Kud wukab girauma mi wiwu, kadok kendi mu de kud wuyeci; kara kud wutho, man kara kwinyo kud unege kum udul ceke: ento wek utumegwu, ma ot mir Israel dho, giywag wang’uwang’ ma Yehova cwinyo.

Kitabu Mir Ang’wende Pa Musa Wel 1:19

Calu Yehova ng’olo ni Musa, e ekwanugi kumeca i langa mi Sinai.

Tic Mi Jukwenda 4:28

ya gitim gin ma yang’ cingi ku lembapora peri gilar giketho ya bitimbre.

2 Jutesaloniki 2:11

Kum lembe nini Mungu oro igi tego mir awondi, kara giyi ndra:

Jupoklembe 2:14

E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 2:20

E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.