2 Samwil 22:3 - The Holy Bible In Alur (Lur) Revised Orthography

³ Mungu, ma cana para, abipondo i ie; Ban para, man tung mi both para, ot ma wiu para, man kapondo para; Jabodhna, ibodha ni rop.

2 Samwil 22:3 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

2 Samwil 22:31

En e Mungu, yo pare ndhu cu: Lembe pa Yehova jumulo i ie; En e ban ni dhanu ceke m’upondo i ie.

2 Samwil 22:47

Yehova bedo kwo; man mugisa bed wi cana para; Man Mungu bed dwong’, ma cana mi both para.

2 Samwil 22:49

Man m’uwodha woko ku ba judegina: Eyo, iting’a malu wi ju m’ujai ira; Ibodha ni ng’atu ma jarop.

2 Samwil 22:51

Emio both ma dit ni ubimo pare Man enyutho mer mi bero ni ng’atu m’ewiro pare, Ni Daudi man ni kodhi pare, mi nja.

2 Samwil 23:3

Mungu mir Israel uwacu kumae, Cana mir Israel uweco i bang’a: Ng’atu m’ubimo wi dhanu pwe, M’ubimo ku lworo pa Mungu,

Zaburi 14:6

Wubolo lewic kum lembapora pa jacan, Kum Yehova en e kapondo pare.

Zaburi 140:1

E Yehova, bodha ni ng’atu ma rac; Gwoka ni jarop:

Zaburi 140:11

Jayerlembe ma rac bicungo ngo i ng’om: Lem ma rac bilubo tok jarop kara eng’iele.

Zaburi 140:4

E Yehova, gwoka ni cing’ judubo; Gwoka ni jurop: Ma giyenyo gicor dakutielo para cen.

Zaburi 142:4

Ng’i i cinga ma yor acwic, man nen; Kum ng’atu moko mbe m’ung’eya: Kapondo rwinyo ira; Ng’atu moko mbe m’umaru ng’eyong’ec para.

Zaburi 144:2

Ma mer mi bero para, man ot ma tek para, Odkur para ma wiu, man jabodhna; Ban para, man ng’atu m’apondo i bang’e; M’ujwigo dhanu para the tienda.

Zaburi 18:2

Yehova en e cana para, man ot ma tek para, man jabodhna; Munguna, cana para, m’abipondo i bang’e; Ban para, man tung mi both para, man otkur para ma wiu.

Zaburi 27:5

Kum i ceng’ mi can ebikana ling’ i hema pare: Ebikana i kapondo mi hema pare; Ebiting’a malu wi cana,

Zaburi 28:7

Yehova en e tego para man ban para; Adundena geno en, man anwang’u kony: Ka kumeno anyong’a nego adundena dit; Man abipake ku wer para.

Zaburi 3:3

Ento in, E Yehova, in i ban i kuma; Dwong’ para, man jating’ wia.

Zaburi 32:7

In i kapondo para; ibigwoka ni can; Ibitieka ku wer mi both. [Sela.

Zaburi 46:1

Mungu en e kapondo mwa man tego mwa, Kony ma nuti andha i can.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 46:2

Ka kumeno lworo binegowa ngo, kadok ng’om ulokre, Man kadok juyengo gudi i adunde mi nam;

Zaburi 46:7

Yehova mir udul ni i bang’wa; Mungu pa Yakobo en e kapondo mwa. [Sela.

Zaburi 5:12

Kum ibimio mugisa ni won bedopwe; E Yehova, ibitieke ku bero calu ku ban.

Zaburi 55:9

E Rwoth, nyoth man ikoi lebgi; Kum aneno rop ku piem i adhura.

Zaburi 59:16

Ento abiwero pi tego peri; Eyo, abiwero ma tek kugweno pi mer mi bero peri: Kum idaru bedo ot ma tek para ma wiu, Man kapondo para i ceng’ mi lem ma tek para.

Zaburi 61:3

Kum ibedo kapondo ira, Ot ma tek ni jadegi.

Zaburi 71:7

Abedo ni ginmawang’uijo ni dhanu dupa; Ento in i kapondo para ma tek.

Zaburi 72:14

Ebiwaru ng’eyong’ec migi ni dim ku rop; Man pi rimbgi bibedo tek i wang’e:

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Zaburi 84:9

Nen, E Mungu ma ban mwa, Man inen i wang’ ng’atu m’iwiro peri.

Zaburi 86:14

E Mungu, jukuhaya gitingri i kuma, Man udul jurop giyenyo ng’eyong’ec para, Man gikethi ngo i wang’gi.

Zaburi 9:10

Man ju m’ung’eyo nyingi gibiketho genogen migi i kumi; Kum in, Yehova, iweko ju m’uyenyi ngo.

Zaburi 9:9

Yehova bibedo ni ot ma tek ma wiu ni ju ma jusendogi, Ot ma tek ma wiu i nindo mi can;

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Lembrieko 30:5

Lembe pa Mungu leng’ kubang’e kubang’e: En e ban ni ju m’upondo i bang’e.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 32:2

Man dhanu bibedo calu kapondo ni yamu, kapondo de ni wavuvu, calu kulo mi pi i ka m’uthwo, calu tipo mi cana ma dit i ng’om mi olo.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Yeremia 16:19

E Yehova, ma tegona, man ka ma tek para, ku ka pondo para i nindo mi can, thek bibino i beng’i gambre i tung’ ng’om, man gibiwacu kumae, Kwaruwa gamu gin moko ngo ni aba ndhu ndra, en e gin ma ie nanu man gin ma kuloka mbe i ie.

Yeremia 16:9

Kum Yehova mir udul, Mungu mir Israel, uwacu kumae: Nen, abiketho dwal mir anyong’a ku dwal mi mutoro, dwand won ambadha ku dwand mugole jik i kakeni, i weng’wu man i nindo mu.

Luka 1:47

Man anyong’a nego cwinya kum Mungu Jalarna.

Luka 1:69

Man eting’o tung mi both iwa I ot pa jatic pare Daudi

Luka 1:71

Ebodhowa ni judegiwa, kud i cing’ dhanu ceke m’udaguwa de;

Poi Mi Cik 32:37

Man ebiwacu kumae, Mungu migi ni kani, Cana ma gipondo i ie;

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 33:29

In i jamugisa, E Israel: Ng’a ma calu in, ma dhanu ma Yehova bodho, Ban mi kony peri, Man palamularu mi dwong’ peri! Man judegini bijwigri iri; Man ibinyono ka ma malu migi.

Tito 3:4

Ento ka bedober pa Mungu Jalar mwa, man mer pare m’emaru ko dhanu, uwoki,

Tito 3:6

m’ekonjo i wiwa k’abamba, ni kum Yesu Kristu Jalar mwa;

Juebrania 2:13

Man kendo, Abiketho genogen para i ie. Man kendo, Nen, an ku nyithindho ma Mungu mio ira.

1 Samwil 2:1

Man Hana rwo, ewacu kumae: Adundena ufoire i Yehova; Judodo tunga i Yehova; Dhoga medre wi judegi para; Kum anyong’a nega i both peri.

1 Samwil 2:2

Ng’atu moko mbe ma leng’ calu Yehova; Kum ng’atu moko mbe m’umedo in, Kadok cana moko de mbe ma calu Mungu mwa.