2 Samwil 22:22 - The Holy Bible In Alur (Lur) Revised Orthography

²² Kum agwoko yo pa Yehova, Man adubo ngo ku weko Mungu para.

2 Samwil 22:22 ပူးပေါင်းရင်းမြစ်များ

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

1 Ubimo 9:4

Man piri in, tek ibiwotho i wang’a, calu Daudi ma wuru wotho, kud adundeni ma cu, man ku tic m’atira, ku timo calku gin ceke m’ang’olo iri, man ibiworo cik para ku lembapoka para;

Zaburi 119:1

Mugisa ni ju m’ubedo atira i yo, Ma giwotho ku cik pa Yehova.

Zaburi 125:5

Ento ni wadi ju m’ulokri cen ba yo migi mi gondri, Yehova bitelo wigi karacelo ku jutimkier. Kwiocwiny ubed wi Israel.

Zaburi 128:1

Mugisa ni ju ma lworo Yehova kubang’gi kubang’gi, Ma wotho i yo pare.

Zaburi 18:1

Ameri, E Yehova, tegona.

Zaburi 36:3

Lembe mi dhoge gikier man abombi: Eweko bedo riek man timo ber.

Lembrieko 8:32

Ka kumeno kawono, wota, wuwinja; Kum ju m’uworo yo para gi jumugisa,

Zefania 1:6

ku ju m’udok cen kum lubo Yehova; ku ju m’uyenyo Yehova ngo, kadi m’upenje de ngo.

Kitabu Mir Ang’wende Pa Musa Wel 16:15

E kwinyo ma dit unego Musa, man ewacu ni Yehova kumae, Kud inen girathiera migi ber: amaku kana acel de ngo i bang’gi, kadok ng’atu acel m’i kindgi de atime rac ungo.

Yohana 15:10

Tek wuworo cik para, wubibedo i mema; cil calu aworo cik pa Vwa, abedo de i merne.

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

1 Samwil 12:3

Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.