2 Samwil 20:9 - The Holy Bible In Alur (Lur) Revised Orthography

⁹ Man Yoab uwacu ni Amasa kumae, Lembe bedo ber i beng’i, umira? Man Yoab umaku Amasa ku tike i cinge ma yor acwic kara ecwi limbe.

2 Samwil 20:9 ပူးပေါင်းရင်းမြစ်များ

2 Samwil 15:5

Man ebedo, nia, kinde ma ng’atu moko bino ceng’ni kara erwo i bang’e, erieyo cinge, man eting’e, e ecwio limbe.

2 Samwil 17:25

Man Absalom uketho Amasa wi udul i kaka Yoab. Nwang’u Amasane en e wod ng’atu moko ma nyinge Ithra ma Jaisraeli, m’umondo wi Abigal ma nya Nahac, ma nyamin Zeruia, ma min Yoab.

2 Samwil 18:29

Man ubimo wacu kumae, Jalawobi ma Absalom ubedo beri? E Ahimaz uloko lembe kumae, Kinde ma Yoab uoro jatic p’ubimo, en e an ma jatic peri, aneno yakni ma dit, ento ang’eyo there ngo.

2 Samwil 3:27

E kinde ma Abner udwogo Hebron, Yoab ucoro kude cen i kind dhugang’ kara giwec kude ling’ ling’, e egoye keca i kume, ketho etho, pi rimb Asahel m’umin mire.

1 Ubimo 2:32

Man Yehova bidwoko rimo pare i wie gire, kum epodho wi dhanu ario ma pwe man ma ber ma sagu en, man enegogi ku palamularu, man Daudi ma vwa ng’eyo ngo, en e Abner ma wod Ner, ma jego mir udul mir Israel, kud Amasa ma wod Yether, ma jego mir udul pa Yuda.

Zaburi 55:21

Dhoge foth calu mo dhiang’, Ento ali ni i adundene: Lembe pare yom ma sagu mo, Ento gi palamularu m’arieya.

Lembrieko 26:23

Dendhok ma kud amora man adunde ma rac Gi calu agulu mir ulobo ma jumwono ku ceth mola ma tar.

Lembrieko 27:6

Lero pa jarimo en e mandha; Ento cwiolimb pa jadegi e dupa m’usagu.

Yeremia 41:2

Icmael ma wod Nethania, ku dhanu apar ma ni kude, gilund giai malu man gigoyo Gedalia ma wod Ahikam ma wod Cafan ku palamularu, man enege, m’ubimo mi Babeli ketho ni jabim wi ng’ombe.

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Jupoklembe 3:15

Ento ka nyithindho mir Israel ulwong’o Yehova, Yehova ting’o igi jalar, en e Ehud ma wod Gera, Jabenyamini, ma jafacam. E nyithindho mir Israel uoro ajok i cinge bang’ Eglon m’ubimo mi Moab.