2 Samwil 20:6 - The Holy Bible In Alur (Lur) Revised Orthography

⁶ Man Daudi wacu ni Abicai kumae, Kawono Ceba ma wod Bikri bitimowa rac ma sagu Absalom: gam jutic pa rwoth peri, man ilub toke, emaru maku adhura ma tek ire, man emaru both i wang’wa.

2 Samwil 20:6 ပူးပေါင်းရင်းမြစ်များ

2 Samwil 10:14

Man kinde ma nyithindho mir Amon gineno nia Jucami giringo, e gin bende giringo i wang’ Abicai, e gimondo i adhura. Yoab ulund uai ba nyithindho mir Amon, man ebino Yerusalem.

2 Samwil 11:11

Man Uria wacu ni Daudi kumae, Sanduk, man Israel, ku Yuda, gibedo i odbak; man rwoth para ma Yoab, ku jutic pa rwoth para, gigonjo i thim ma ngbeng’; abilund mondo i ot para, nicamu man nimadhu, man nivuto ku dhaku para? calu ibedo kwo, man calu ng’eyong’ec peri bedo kwo, abitimo gin maeni ngo.

2 Samwil 18:12

E ng’atuca wacu ni Yoab kumae, Kadok agam sente mi mola ma tar rubanga i cinga, de aci ketho cinga ngo kum wod ubimo: kum i winjo mwa ubimo ng’olo iri man ni Abicai man ni Itai, ewacu kumae, Wubed ku weng’wu nia ng’atu moko kud umul jalawobi ma Absalom.

2 Samwil 18:2

E Daudi oro dhanune, mir adege the cing’ Yoab, man ng’ete mir adege the cing Abicai ma wod Zeruia, m’umin Yoab, man ng’ete mir adege the cing Itai ma Jagiti. Man ubimo wacu ni dhanu kumae, An ku kita bende wabicidho wakudu andha.

2 Samwil 19:7

Ka kumeno kawono ai, wok woko, man iyer lemjuk ni jutic peri; kum akwong’o ku Yehova, tek iwok woko ngo, ng’atu moko mbe ma bidong’ i beng’i i diewor maeni: e maeni bibedo rac iri ma sagu lembe ma rac ceke m’uwok i kumi ugambre kum aradu peri cil ku kawono.

2 Samwil 2:18

Man wot Zeruia adek gini keca, Yoab, man Abicai, ku Asahel: man Asahel tiende yot pa tiend ruda m’i thim.

2 Samwil 21:17

Ento Abicai ma wod Zeruia bodhe, e egoyo Jafilistine, enege de. Dhanu pa Daudi gilund gikwong’o ire, giwacu kumae, Wabicidho kudu kendo ngo i lwiny, kara kud ineg thala mir Israel.

2 Samwil 23:18

Man Abicai, m’umin Yoab, ma wod Zeruia, en e jadit mi juadekne. Man eting’o tong’ pare kum dhanu dak adek man enegogi, man ebedo ku nyinge i kind juadek maeno.

2 Samwil 3:30

Kum kumeno Yoab kud Abicai m’umin mire ginego Abner, kum enego umeggi ma Asahel i Gibeon i lwiny.

2 Samwil 3:39

Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

1 Ubimo 1:33

E ubimo wacu igi kumae, Wugam jutic pa rwoth mu kudu, man wuketh Suleman ma woda uwoth wi kana para ma dhe, man wutere piny i Gihon:

I Lemkei 11:20

Man Abicai, m’umin Yoab, en e jadit mi juadekne; kum eting’o tong’ pare kum dhanu dak adek man enegogi, e ebedo ku nying’ kind juadek.

I Lemkei 18:12

Mange ke Abicai ma wod Zeruia goyo kind Juedomi i Poga mi Kadu rubanga apar wi abora.

Yeremia 8:14

Nedi wabedo ling’i? wucokru giwu, man wek wamond i adhura ma tek, e wek wabed ling’ kuca; kum Yehova Mungu mwa ketho wanyothra, man emio iwa pi mir ulecu wamadhi, kum wadubo ni Yehova.

Marko 3:24

Man tek ker upokre i kume gire, kerne copo cungo ngo.

1 Samwil 26:6

Daudi lund uloko lembe man ewacu ni Ahimelek ma Jahiti, man ni Abicai ma wod Zeruia, m’umin Yoab, ewacu kumae, Ng’a ma wabiloro piny wakugi ba Saul i kagonjo? E Abicai uwacu kumae, Wabiloro wakudi.